Ы.Алтынсарин атындағы дарынды
балаларға арналған

     2017 жылдың 1 ақпанында Елбасымыздың «Қазақстан үшінші жаңғыруы: жаһандық бәсекеге қабілеттілік» атты жолдауының негізінде барлық сыныптарда ақпараттық сабақтар өткізілді. Ақпараттық сабақ мақсаты – оқушыларды елбасымыздың жолдауымен таныстыру.  Елбасымыздың жолдауында  білім мен денсаулық мәселелеріне қатысты айтылған ойлары мен мақсаттары талқыланды. Әрбір оқушы ақпараттық сабаққа өте белсенді ат салысты.

2017 жылы 26-28 қаңтар аралығында кикбоксинг бойынша жасөспірімдер арасында ашық қала турнирі өтті.

     Жылқыбаев Мақажан Несіпбайұлы – 16.03.1937ж. Баянауыл ауданында дүниеге келген. 1968 жылы Семей қаласындағы Н.К.Крупская атындағы мемлекеттік педагогика институтының қазақ тілі мен әдебиеті пәнінің мамандығын тәмамдады. Өзінің еңбек жолын 1957-1958 жылдары Чернорецк балалар үйінен бастайды. 1958-1962 жылдары Павлодар қаласындағы №9 орта мектепте аға пионервожатый қызметін атқарады. 1962-1966 жылдары №3 облыстық қазақ мектеп-интернатында аға тәрбиеші қызметін атқарады. 1966-1972 жылдары Красноармейка мектеп-интернатында оқу-ісінің меңгерушісі болып істейді. 1972-1982 жылдары мектеп-интернат, арнайы мектеп, балалар үйі саласы бойынша Облыстық білім беру бөлімінде инспектор қызметін атқарады. 1982 жылы Павлодар қаласындағы №4 қосымша мектеп-интернатының директоры қызметіне тағайындалды.  1986 жылдан бастап Ы.Алтынсарин атындағы дарынды балаларға арналған облыстық қазақ гимназия-интернатының  директоры.  Бар саналы өмірі мен еңбегін тек бала (ұрпақ) тәрбиелеу ісіне бағыштаған ұстаз-басшы бұл күнде облысқа, республикаға ағарту саласында  өзінің мол тәжірбесімен, еңбегімен танымал.

    Ы.Алтынсарин атындағы дарынды балаларға арналған облыстық қазақ гимназия-интернатында  қаңтар айының 18 жұлдызында Жылқыбаев Мақажан Несіпбайұлының туған күніне арналған іс-шаралар өткізілді. Барлық сыныпта тәрбие сағаттары өтті.

     2017 жылы 25 қаңтарда Алматыда өтетін универсиадаға арналған  5-6 сынып оқушылары арасында қыстық ойындар сайысы өткізілді. Оқушылар өте белсенді қатысты. Осы шараның мақсаты – оқушылардың спортқа деген қызығушылықтарын дамыту.

     2017 жылғы қаңтар айының 5-і мен 6-ы аралығында Павлодар қаласының № 16 лицей-мектебінде жалпы орта білім беретін оқу орындарының 9-11 сынып оқушылары арасында 55-ші облыстық пән олимпиадасы өткізілді.

     Облыстық пән олимпиадасына 3 қаладан, 10 ауданнан және 13 облыстық мамандандырылған білім беру мектептерінен барлығы 26  команданың 733 оқушысы қатысты.    

     Қаңтар айының 9 жұлдызында 5-8 сыныптар арасында шахмат ойынынан жарыс өтті.Сайысқа оқушылар өздерінің шахмат ойынына деген ынталарын көрсетіп, бақталастарын жеңуге ат салысты.

     Жеңімпаз оқушылар: Айтым Әли – I орын, Жандаулет Алишер – II орын, Нугманов Данат – III орынды иеленді. Ойын өте әсерлі өтті. Оқушылар өз ризашылықтарын білдірді.

     21-24 желтоқсанда ДЮСШ №5 негізінде қыздар арасында бокстан ашық қалалық біріншілік болып өтті. Мектебіміздің намысын Бухарбаева Дильназ, Жанболат Назерке, Асқар Күлімжан, Бауыржанқызы Эльвира қорғады. Республика бойынша Павлодар, Екібастұз, Жезқазған, Алматы, Сәтбаев, Талдықорған, Қарағанды, Балқаш қалаларының өкілдері қатысты. 8-сынып оқушылары Бухарбаева Дильназ бен Жанболат Назерке ІІ дәрежелі дипломға, 8-сынып оқушысы Асқар Күлімжан мен 9-сынып оқушысы Бауыржанқызы Эльвира ІІІ дәрежелі дипломға ие болды.

     «Жасыл экономика» – бұл экономика ғылымындағы жаңа бағыт, экономика, адамдардың әл-ауқатын арттырады және  қоршаған ортаны айтарлықтай жақсартады,  табиғи ресурстардың тапшылығын азайтады,  биоәртүрлілікті жоғалтуын болдырмайды.

      2016 жылдың 22 желтоқсанында облыстық білім беру басқармасы мен «Ертіс дарыны» өңірлік қосымша білім беру оқу-әдістемелік  орталығының ұйымдастыруымен  «Жас дарын» мамандандырылған мектебінде IV облыстық «Мағжан оқулары» конкурсы өтті.