Ы.Алтынсарин атындағы дарынды
балаларға арналған

     Павлодар облысының тілдерді дамыту жөніндегі басқармасы және Қазақстан-Павлодар телеарнасының ұйымдастыруымен  тілдерді дамыту мен қолданудың 2017-2019 жылдарға арналған облыстық іс-шаралар жоспары шеңберінде 2017 жылдың 10 сәуірінде мемлекеттік тілді жетік меңгерген жоғарғы сынып оқушыларының  арасында «Мемлекеттік тіл және жастар» тақырыбы бойынша телеойын ұйымдастырған болатын.

     2016 жылдың 8 сәуірінде Павлодар қаласының «Жас дарын» мамандандырылған мектебінде Қ.О.Бітібаева атындағы қазақ тілі мен әдебиетінен республикалық олимпиаданың облыстық кезеңі өткізілді. Олимпиадаға облысымыздың жалпы орта білім беру және мамандандырылған мектептерінің оқушылары қатысты. 

     2017 жылдың 6 сәуірінде  Дарынды балаларға арналған  облыстық көп салалы лицей-интернатында  ХVІІІ облыстық Абай оқулары болып өтті. Облысымыздың жалпы орта білім беру және мамандандырылған мектептерінен 52 оқушы қатысты.

     Қазақстан Тәуелсіздігінің мерейтойлық жылы Қазақ Ұлттық Заң университеті мектеп түлектерінің арасында «Тәуелсіз Қазақстан» атты байқау өткізген болатын. Интеллектуалдық эссе байқауы дарынды жастарды әлеуметтік қолдауға бағытталған. Оның негізгі идеясы – мектеп оқушыларына еліміздің әйгілі университетінде тегін әрі сапалы білім алу мүмкіндігін ұсыну.

     Наурыз айының 24-29 аралығында Ақтау қаласында өткізілген қоғамдық-гуманитарлық бағыттағы пәндер бойынша республикалық олимпиадасы болып өтті. Дүбірлі додаға еліміздің түкпір-түкпірінен 600-ге жуық оқушы қатынасты. Павлодар облысынан  облыстық пән олимпиадасының 35 жеңімпаздары мен жүлдегерлері қатысты. Оның  ішінде  23 оқушы республикалық пән олимпиадасының жеңімпаздары мен жүлдегерлері қатарынан көрінді. Жалпы командалық есепте Павлодар облысы  І орынға ие болып, «Ең үздік олимпиадалық команда – 2017» атанды.

     Облыстық қазақ гимназия-интернат оқушылары Алмас Ануарбеков, Әділ Исеев пен Әли Жетпіс робототехника сабағында жол күзетуге арналған дирижабль қағидасы негізінде ұшатын, басқарылатын роботты құрастырды.

     «Шаңырақ» облыстық  халық шығармашылығы мен мәдени-сауық қызметі орталығының ұйымдастыруымен Алаш партиясының және Алашорда үкіметінің құрылғанына 100 жыл толуына орай 2017 жылдың 21 наурызында  облыстық «Шаңырақ» орталығында «Алаштың асылы - ұлтының жасыны» атты облыстық оқушылар арасындағы ақындар айтысы өтті.

     8 наурыз  Халықаралық  әйелдер мерекесіне орай  «Менің анамның портреті», «Сенен артық адам жоқ....» тақырыптары бойынша облыстық білім беру басқармасы шығармалар байқауын жариялаған болатын.  Шығармалар конкурсына жалпы білім беру және мамандандырылған мектептердің 5-9 сынып оқушылары қатысып, барлығы 159 шығарма ұсынған.

     2017 жылдың 11 наурызында  Ж.Аймауытов атындағы облыстық музыка-драма театрында облыстық Білім басқармасы және Ы.Алтынсарин атындағы дарынды балаларға арналған облыстық қазақ гимназия-интернаты, мектеп түлектерінің ұйымдастыруымен   білім саласының ардагері, «Құрмет» ордені мен Ы.Алтынсарин» төсбелгісінің иегері, ардақты ұстаз Мақажан  Несіпбайұлы Жылқыбаевтың туғанына 80 жыл толуына орай «Ұстазым- ұлағатым,  үлгі-өнегем» атты салтанатты кеш болып өтті.

Наурыз айының 3 жұлдызында Шаңырақ мәдениет үйінде қазақтың көрнекті әншісі, ақын-сазгері, ҚазССР-нің еңбек сіңрген өнер қайреткері Естай Беркімбайұлына арналған «Жарық жұлдыз» атты  «Жасын» жобасының танымдық-зияткерлік сайыс кеші өтті.