«Қазақ тілінің латын әлипбиіне көшу» атты тәрбие сағаты
7 қазан күні 8«б»-сынып оқушыларына арналған «Қазақ тілінің латын әлипбиіне көшу» атты тәрбие сағаты өткізілді. Тәрбие сағаты дебат түрінде өтті. Сабақтың психологиялық дайындығын «Джунглийдегі жаңбыр» атты тамаша ойынмен бастады. Сабақтың барысы бойынша балалар үш топқа бөлініп, бірінші топ латын әліпбиінің енгізілуіне қатысты ақтаушы топ болып, екінші топ қарсыластар, ал үшінші топ әділ-қазылар алқасы болып бөлінді. Екі топ осы өзгеріске қатысты өз ойларын ортаға салды. Барлық балалар белсенді қатысты, ерекше өз ойларын жеткізген – Уәлихан Мерейлім, Ерғали Назерке және Мүлік Кәмила. Олар өз топтарының барлық аргументтерді айқын фактілерге сүйене отырып жеткізе білді. Әділ-қазылар алқасының шешімдері бойынша «Ақтаушылар» тобы жеңіске жетті. Нәтижесінде екі топ оқушылары да сыйлықтармен марапатталды.
ХІІ республикалық «Мұқағали Мақатаев оқулары» конкурсының облыстық кезеңі
2017 жылғы 6 қазанда «Жас дарын» мамандандырылған мектебінде ХІІ республикалық «Мұқағали Мақатаев оқулары» конкурсының облыстық кезеңі өтті.
Мәшһүр Жүсіп оқулары
2017 жылғы 29 қыркүйек сағат 14.30-да «Колос» балалар мәдени-сауық орталығында Павлодар қаласының мәдениет және тілдерді дамыту бөлімі Тілдерді қолдану мен дамытудың 2017 жылға арналған қалалық іс-шаралар жоспары шеңберінде мемлекеттік тілдің қолдану аясын кеңейту, тіл мәдениетін көтеру, көркем әдебиетті, сондай-ақ Мәшһүр Жүсіп Көпейұлының шығармаларын жұртшылық арасында насихаттау мақсатында «Мәшһүр Жүсіп оқулары» қалалық конкурсы өтті.
«Қазақ тарихының бастауы – латын әліпбиіне көшу» тақырыбында ашық тәрбие сағаты
30 қыркүйек күні 7 «а», 7 «ә», 7 «б»-сыныптар арасында «Қазақ тарихының бастауы – латын әліпбиіне көшу» тақырыбында ашық тәрбие сағаты өтті. Оқушылар үш топқа бөлінді. Оқушылар қазақ әліпбиінің тарихы төңірегінде ой қозғады. Латын әліпбиін қолданудың тиімділігі, қазіргі заманмен өзектестігі жайлы өз ойларын ортаға салды. Берілген мақал-мәтелдерді үш тілге аударды. Сайыс барысында оқушылар өздерінің көзқарасын еркін жеткізе білді.
Х Президенттік олимпиадасының аймақтық кезеңі
Республиканың барлық өңірлерінде 2017 жылғы 28 қыркүйек күні жаратылыстану-математикалық бағыттағы пәндері бойынша 11-сынып оқушылары арасында Х Президенттік олимпиадасының аймақтық кезеңі бастау алды.
Ұстаздар мерекесі
29 қыркүйекте ұстаздар мерекесіне орай 11-сынып оқушыларының ұйымдастыруымен «Өзін-өзі басқару» күні өткізілді.
«Мәңгі нұрдың қызметшісі - мұғалім» атты волейбол жарысы
28 қыркүйекте ұстаздар күніне арналған «Мәңгі нұрдың қызметшісі - мұғалім» атты волейбол жарысы өтті. Волейболға мұғалімдер командасы мен оқушылар командасы қатынасты.
Тіл апталығы
Тілдерді қолдану мен дамытудың 2011-2020 жылдарға арналған мемлекеттік бағдарламасы бойынша 2017-2018 оқу жылының 11.09-22.09 аралығында «Тілдер апталығы» шеңберінде «Ұлттық құндылық негізі- тіл» атты апталық өткізілді.
Гимназист күні
22 қыркүйек сағат 12.00-де мектебімізде 5-сынып оқушыларын гимназия оқушысы қатарына қабылдауға арналған «Гимназист күні» атты салтанатты жиын өтті.
«Күш сынасайық!» атты көңілді сөре
21 қыркүйекте 5-сыныптар арасында «Мәңгілік Ел» идеясын ұштастыру мақсатында «Күш сынасайық!» атты көңілді сөре сайысы өтті.
