Ы.Алтынсарин атындағы дарынды
балаларға арналған

2017 жылдың  3 қарашасында мұғалімдер мен оқушылар арасында ақпараттық-коммуникациялық технологиялар саласына деген ғылыми және тәжірибелік қызығушылықтарын дамыту, инновациялық және шығармашылық ақпараттық идеяларды, талантты мұғалімдер мен оқушыларды қолдау мақсатында №16 лицей-мектебінде  «Ақпараттық-коммуникациялық технологиялар білім беруде» атты облыстық сайыс өтті. Сайысқа мектебіміздің 6, 7 және 11-сынып оқушылары қатысты. Нәтижесінде «Оқыту пpoцeciн бағдарламалық қамтамасыз ету» бағыты бойынша 11 «б»-сынып оқушысы Ғазизов Зейнолла (жетекшісі: Кенжебаева Д.К.) І орын жүлдегері болса, 6-сынып оқушысы Еламан Әлімжан «Бағдарламашы оқушы» номинациясын иеленді (жетекшісі: Тлеулесова А.А.). «Lego-мен жасалған робототехника жобалары» бағыты бойынша 11 «а»-сынып оқушылары Смаилханов Айбат пен Исеев Адиль (жетекшісі: Солтаналинов К.И.)  І орын жеңімпазы атанды.

Жүлдегер оқушыларымызды жеңістерімен құттықтаймыз! Биік белестерден көріне беріңіздер!

2017 жылғы 27 қазан күні Павлодар қаласының мәдениет және тілдерді дамыту бөлімі Тілдерді қолдану мен дамытудың 2017 жылға арналған қалалық іс-шаралар жоспары шеңберінде мемлекеттік тілдің қолдану аясын кеңейту, тіл мәдениетін көтеру, көркем әдебиетті, сондай-ақ С.Торайғыровтың шығармаларын жұртшылық арасында насихаттау мақсатында «Сұлтанмахмұттың қоңыр күзі» тақырыбында қалалық конкурсы өтті. Конкурсқа мектебімізден 11 «б»-сынып оқушысы Токибаева Лаура қатынасты. Конкурс нәтижесінде Лаура  «Асау жүрек» номинациясымен марапатталды.

28 қазан күні мектебімізде ата-аналар жиналысы болды. Жиналыс екі кезеңді қамтыды. Алдымен әр сынып кабинетінде ата-аналар жиналысы өтті. Кейін әр ата-ана өз балаларының І тоқсандағы оқу үлгерімі мен білім сапасының деңгейін біліп, балаға қай қырынан көмектесу мақсатында пән мұғалімдерімен жеке әңгімелесті. Мектебіміздің ата-аналары үшін ұйымдастырылған дәстүрден тыс жиналыс түріне ата-аналар да, мұғалімдер де белсенді қатынасты.

     27 қазан күні мектебімізде «Педагог-тәрбиешінің кәсіби құзіреттілігін дамытуды тиімді басқару» курс тыңдаушыларына семинар өтті. Семинарға келген мұғалімдерге арнап мектебіміздің «Мүшәйра» жас ақындар үйірмесі, «Қос ішек» домбыра, «Алау», «Әуен» вокал, «Айжан қыз» би үйірмелерінің өрендері өнерлерін көрсетті. Мектепте жұмыс жасайтын үйірмелердің жұмыстарымен танысып, оқушылар жатақханасына, мектеп кітапханасына, шахмат кабинеттеріне экскурсия жасады. Семинарға келушілер 6«б»-сыныбында «Ата-ананың парызын өтеу – сенің қарызың» (тәрбиешісі: Исина Ж.М.) және 8 «б»-сыныбында «Рухани жаңғыру – жаһандық бәсекелестікке қабілеттілік» (тәрбиешісі: Бексолтанова Р.Р.) тақырыбындағы ашық тәрбие сағаттарына қатынасты.

2017 жылдың 20 қазан күні «Жас дарын» мамандандырылған мектебінде 9-11-сынып оқушылары арасында республикалық лингвистика олимпиадасының облыстық кезеңі өтті. Олимпиаданың қорытындысы бойынша  11 «б»-оқушысы  Алмасова Дильназ  –  ІІ орын, 10-сынып оқушысы Негманова Диана мен  9 «б»-сынып оқушысы Кабиденова Аруана – ІІІ орын жүлдегері. Жүлдегер оқушыларды жеңістерімен құттықтаймыз!

20  қазан күні қазақ мәдениетінің қайраткері Ы.Алтынсариннің туған күніне арналған «Шырағын жаққан білімнің» тақырыбында әдеби фестиваль өтті. Ы.Алтынсариннің ақындық, қайраткерлік, зерттеушілік, шығармашылық шеберлігін, ұстаздық қызметін  жан-жақты ашу мақсатында оқушылар топқа бөлініп, ғылыми баяндама жасады. Оқушылар ақынның өлеңдерін сахнада жатқа оқып, жас ақындар өз өлеңдерін арнады. Әңгімелерінен көрініс қойылды.

20 қазан күні Павлодар қаласының №35 жалпы орта білім беру мектебінде 5-11-сынып оқушылары арасында V облыстық Мағжан оқулары өткізілді.

19 қазан күні мектебімізде 8-11-сыныптар арасында "4 BRAIN" атты интеллектуалды сайыс өтті. Нәтижесінде 8 «а»-сынып оқушысы Ахмедеева Лиана, 9 «а»-сынып оқушысы Алпыспай Диляра, 11 «а»-сынып оқушысы Мукатаев Сабит, 10-сынып оқушысы Тускен Султан сайыстың жеңімпаздары атанды. Жеңістеріңіз құтты болсын!!! Жауапты: «Болашақ» ұйымы.

Мектебімізде «Берекелі алтын күз» мерекесі өтті. 11 қазанда 5-7-сынып оқушылары, 13 қазанда 8-11-сынып оқушылары арасында өткен дәстүрлі мерекеге оқушылар үлкен дайындықпен келіпті. 

     2017 жылғы 5 қазан күні Облыстық көп салалы дарынды балаларға арналған лицей-интернатында биология пәнінен VIІ облыстық жасөспірімдер олимпиадасы өтті.