Ы.Алтынсарин атындағы дарынды
балаларға арналған

     2017 жылдың 24 қарашасында Павлодар мемлекеттік педагогикалық институтында 8-11-сынып оқушыларына арналған республикалық ғылыми жобалар конкурсының облыстық кезеңі өтті. Мектебімізден 20 жұмыс  (4 командалық) 28 оқушы іріктеу кезеңінен өтіп, облыстық кезеңге қатысқан болатын. Байқаудың қорытындысы бойынша І дәрежелі дипломмен 3 ғылыми жұмыс, 5 оқушы: 10-сынып оқушысы Әмірқұмар Медхат «Әдебиет» секциясы бойынша (жетекшісі: Бекенова К.К.), 11-сынып оқушысы Жанбау Марғұлан мен 9-сынып оқушысы Мұхаметхан Адия «Этномәдениеттану» секциясы бойынша (жетекшісі: Мұхтар Д.Б.), 8-сынып оқушылары Дәуенова Дильназ бен Құрманбай Назерке «Тіл білімі» секциясы бойынша (ғылыми жетекшісі: Окпина Б.М.) марапатталды.

     ІІ дәрежелі дипломмен 3 ғылыми жұмыс, 4 оқушы: 11-сынып оқушысы Олжатаев Қуаныш «Адам және қоғам» секциясы бойынша (ғылыми жетекшісі: Мұхтар Д.Б.), 11-сынып оқушылары Маликов Ағзам мен Оразхан Әйгерім «Тіл білімі» секциясы бойынша (жетекшісі: Байдарбесова Қ.М.), 8-сынып оқушысы Альмухамбетова Аружан "Өлкетану" секциясы бойынша (жетекшісі: Төлеу Ұ.) марапатталды.

     ІІІ дәрежелі дипломмен 5 ғылыми жұмыс, 6 оқушы: 11-сынып оқушысы Газизов Зейнолла «Информатика» секциясы бойынша (ғылыми жетекшісі: Кенжебаева Д.К.), 11-сынып оқушысы Омарова Аружан «Тіл білімі» секциясы бойынша (жетекшісі: Ахметова Г.К.), 10-сынып оқушысы Бектемір Дильназ «Тіл білімі» секциясы (жетекшісі: Төлеу Ұ.), 11-сынып оқушысы Марат Аймера «Тіл білімі» секциясы бойынша (жетекшісі: Байдарбесова Қ.М.), 10-сынып оқушылары Ахмедеева Диана мен Муслимова Лана «Тарих» секциясы бойынша (жетекшісі: Мұхтар Д.Б.) марапатталды.

     Барлық жеңімпаз оқушыларымызды және ғылыми жетекшілерін құттықтаймыз! Алдағы пәндік тестілеуден сүрінбей өтіп, республикалық кезеңде де биіктен көрінулеріңізге тілектеспіз.

     «Адамның адамшылығы - жақсы ұстаздан» деп қазақтың бас ақыны Абай Құнанбайұлы айтқандай, мұғалімнің сіңірген тәрбиесі мен өнегесі - оқушының болашақ азығы. Жақсы ұстаздан тәлім-тәрбие алған шәкірт өмір майданында мойымай күресіп, болашақта бағытынан таймасы анық. Бүгінгі таңда ел ұрпағына ұлағатты тәрбие беру, адамгершіліктің ізгі нәрімен сусындату – екінің бірінің қолынан келе бермейтін іс. Алайда осы салада бар күш-жігерін жұмсап, бойындағы бар жылуын  ұрпақ тәрбиелеуге арнап, шәкірттерінің алғысына бөленген ұстаздар да бар. Сондай аяулы ұстаздарымыздың бірі әрі бірегейі - Жусупова Маржангуль Мубараковна.

     23 қыркүйекте Жусупова Маржангуль Мубараковна зейнеткерлік жасқа толды. Мектеп ұжымы ардақты ұстазымызды құттықтап, игі тілектерін арнады. Мектеп директоры Сулейменов Ж.Н. Павлодар облыстық кәсіподақтар ұйымының Құрмет грамотасымен марапаттады.

     11 «а»-сыныбының оқушылары тәрбиешілерін осы мерейлі күнімен құттықтауға дайындықпен келіпті: тамылжыта ән шырқады, ұстаздарын әсем ырғақты вальске шақырды.Тәрбиешілерінің өмір белестерінен шағын бейнебаян көрсетіп, ұстаздарының көңілін бір көтеріп тастады.

21 қарашада мектеп кітапханасында «Жас Ұлан» ұйымының ұйымдастыруымен «Зорлық-зомбылықсыз балалық шақ» тақырыбында тәрбие сағаты  өтті.  Тәрбие сағатына 5-8-сынып оқушылары белсенділік танытты. Оқушылар өз пікірлерін еркін жеткізе білді. Нәтижесінде  тақырып кеңінен талқыланды. Арнайы көрсетілген бейнероликтерді талдап, өз көзқарастарын білдірді. Әр топ бірлесе отырып, «Бейбітшіл ел - Қазақстан» моделін жасады. Жауапты: 7 «б»-сынып тәрбиешісі Мұсабекова А.К.

2017 жылдың 22қарашаcында мектебімізде 6-10-сыныптар арасында «Қауіпсіздік ережесін сақтаймыз» тақырыбында тәрбие сағаты өтті. Төтенше жағдайлар басқармасынан мамандар келіп, оқушыларға өрт қауіпсіздігі туралы мәліметтермен бөлісті. Жауапты: 5 «б»-сынып тәрбиешісі Жамалиденова Гашура Шакитовна.

2017 жылдың 6-10 қараша аралығында мектебімізде egov.kz электрондық үкімет сайтына арналған семинар сабақтар өтті. Мұғалімдер мен тәрбиешілерге және мектеп қызметкерлеріне сайттың мүмкіндіктері мен артықшылықтары туралы ақпарат берілді. Сайтты қолдау мақсатында мектебіміздің жоғарғы сынып оқушылары флешмоб көрсетті.

     Ақындық дарын – Алланың берген өнері, талант  – табиғат сыйы. Ақынды қалыптастыратын – айтыс. Жас ақындарды қалыптастыруда өңіріміздің алатын орны зор.

     16 қарашада мектебімізде  «Рухани жаңғыру» бағдарламасы аясында «Шаңырақ» облыстық халық шығармашылығы және мәдени-сауық орталығының ұйымдастыруымен Семей және Павлодар қалаларының оқушылары арасында «Туған жер – алтын бесігім» атты жекпе-жек айтыс өтті. Айтысқа 10 оқушы (Семей қаласынан – 5, Павлодардан – 5) қатысып, 5 жұп құрады. Мектебімізден 11-сынып оқушылары Жанбау Марғұлан, Сарыбай Құдірет, 10-сынып оқушысы Абдраимов Ердәулет, 5-сынып оқушысы Асығатұлы Шыңғыс қатысты. Аламан бәйге нәтижесі бойынша  екі қаланың жас айтыскерлерінен құралған топтар өзара жекпе-жек айтыста тепе-тең түсті.

2017 жылдың 8-9 қараша күндері Алматы қаласы «Алатау» шипажай базасында жалпы орта білім беру және мамандандырылған білім беру ұйымдарының педагогтері арасында «Үздік авторлық бағдарлама» республикалық конкурсы өтті. Конкурсқа мектебімізден 3 мұғалім қатысты: математика пәнінің мұғалімі Абитаева Г.К., тарих пәнінің мұғалімдері Сәрсенов Т. М. пен Мұхтар Д.Б. Республикалық конкурс қорытындысы бойынша тарих мұғалімдері Сәрсенов Төлеген Мамрасылұлы мен Мұхтар Дастан Бекболатұлы - ІІ орын жүлдегерлері.

С.Торайғыров атындағы Павлодар мемлекеттік университетінде 2017  жылғы 30 қазанда 9-11-сынып оқушыларының арасында  өткізілген облыстық көптілділік олимпиадасының қорытындысы бойынша 10-сынып оқушысы Наурызбай   Гүлмәркен - ІІ орын,  9-сынып оқушысы Тлектес Абай - ІІІ орын жеңімпазы. Олимпиада 2 турда өткізілді: жазбаша және ауызша.

Олимпиадаға оқушыларды дайындаған ұстаздар Абаева А.Т., Саденова О.Б., Бекенова Қ.Қ., Мұхаметжанова Р.Ж., Байдарбесова Қ.М. және ата-аналарға Алғыс хаттар табыс етілді.

2017 жылдың 1-2 қарашасы аралығында мектебіміздің информатика пәнінің мұғалімі Солтаналинов Қайрат Идрисович Алматы қаласында өткен математика, физика және информатика пәні мұғалімдерінің V Халықаралық шығармашылық байқауына қатынасып, жүлделі ІІ орынды иеленді. 

2017 жылдың  3 қарашасында №25 мектепте 1-7-сынып оқушылары арасында өтетін республикалық «Зерде» ғылыми жобалар конкурсының облыстық кезеңі өтті. Мектебімізден бірнеше оқушылар іріктеу кезеңінен өтіп, облыстық кезеңге қатысқан болатын. Байқаудың қорытындысы бойынша ІІІ орын жүлдегерлері: математика бағыты бойынша 6 «в»-сынып оқушылары Камшатова Камшат, Тлеугабыл Жанель(жетекшісі: Танатова А.С.), 6 «а»-сынып оқушысы Минекеева Аделя (жетекшісі: Абитаева Г.К.), информатика бағыты бойынша 6-сынып оқушысы Еламан Әлімжан (жетекшісі: Тлеулесова А.А.), биология бағыты бойынша 7 «б» -сынып оқушысы Калиев Дәулет (жетекшісі: Букурова С.Б.)

ІІ орын жүлдегерлері: қазақ тілі мен әдебиеті бағыты бойынша 7 «б»-сынып оқушысы Айтқалы Риза (жетекшісі: Қайрат А.Қ.), өлкетану бағыты бойынша 5 «ә»-сынып оқушысы Шарупич Дарья мен 6 «б»-сынып оқушысы Сәулет Нұршапағат(жетекшісі: Мұхтар Д.Б.), 7«ә»-сынып оқушысы Люлят Асылтан мен Жанат Арай (жетекшісі: Сарсенов Т.М.), этномәдениеттану бағыты бойынша 7 «а»-сынып оқушысы Олжатай Нұрсая мен 6 «б»-сынып оқушысы Төкен Асылхан, биология бағыты бойынша 6 «б»-сынып оқушылары Шпекова Жадыра мен Мұхамедқан Алтынай (жетекшісі: Асанова Ш.Ж.).

Жүлдегер оқушыларымызды және жетекшілерін бүгінгі жеңістерімен құттықтаймыз!