Ы.Алтынсарин атындағы дарынды
балаларға арналған

2018 жылғы ақпан айының 13-17-сі аралығында бокстан 2004-2005 жылдары туған жасөспірімдер арасындағы Павлодар облысының  чемпионаты өтті.

2018 жылдың 16 ақпан күні 7-сыныптар арасында «Спорт - сенің серігің»  тақырыбында  көңілді старт  эстафеталық жарысы өтті. 2018 жылғы қысқы олимпиададан бейнебаян көрсетілді.

Сайыс 5 кезеңнен өтті:

1- кезең:  «Эстафета таяқшамен жүгіру.

2- кезең: «Кім епті» /хоккей/.

3-кезең: «Тарақан жүрісі».

4-кезең: «Кедергілерден өтіп, тапсырмаларды орындау».

5-кезең: «Арқан тарту».

Нәтижесінде,  «Желаяқтар» командасы (7«а»-сынып) – І орын,  «Бірлік» командасы(7 «б»-сынып)  – ІІ орын, «Қыран» командасы (7 «ә»-сынып) -  ІІІ орынмен марапатталды.

2018 жылдың 13–16 ақпан аралығында Алматы қаласында  өткізілген республикалық ғылыми жобалар конкурсының қорытынды кезеңінде Ы.Алтынсарин атындағы дарынды балаларға арналған  облыстық қазақ гимназия-интернатының 9,11-сынып оқушылары Мұхаметқан Әдия, Жанбау Марғұлан ІІ орын (жетекшісі: Мұхтар Д.Б.), 10-сынып оқушысы Әмірқұмар Медхат ІІІ орын (жетекшісі: Бекенова К.К.) иеленді. Шәкірттеріміз бен ұстаздарымызды шын жүректен құттықтаймыз! Жұлдыздарыңыз жарқырай берсін!

2018 жылдың 15 ақпанында мектебімізде жасөспірімдердің қоғам және ата-ана алдындағы міндетін, жауапкершілігін кеңінен дәріптеу мақсатында «Құқық бұзушылық және жасөспірім» тақырыбында кездесу ұйымдастырылды. Кездесуге 6,7,8-сынып оқушылары қатысты. Мектеп инспекторы, полиция капитаны Қайрат Серікұлының оқушыларға арнайы әзірлеп әкелген ақпаратына мектеп оқушылары бірнеше сұрақтар қойып, кездесу кешінде белсенділік танытты.

Жауапты: 6«ә»-сынып жетекшісі Берсугурова А.А.

10 ақпан күні мектебімізде Павлодар облысының 80 жылдығы және Астанамыздың 20 жылдығына орай   6-сыныптар арасында «Әкем, анам және мен» тақырыбында отбасылық сайыс өткізілді. Бұл отбасылық сайысқа Дауеновтер, Арыстановтар, Жұмановтар, Еламановтар отбасы қатысып, бақтарын сынап, белсенді қатысты. Отбасылық сайысымызды қорытындылай келгенде,  Арыстановтар отбасы 1-орынды иеленді.  Жұмановтар отбасы 2-орынға ие болса, Дауеновтар отбасы 3-орынды қанжығаларына байлады. Еламановтар отбасы «Белсенді отбасы» аталымына ие болды. Мадақтама грамотасымен мадақталып, әр отбасыға сыйлықтар табыс етілді. Отбасылар арасында тартысқа толы сайыс ойдағыдай өтті.

Шараны дайындаған: Мусабекова А.К., Жаңбырбай А.Т., Байжырыкова С.К.

2017 жылдың 8 ақпанында 7-сыныптар арасында «Дарабоз»  танымдық сайысы өтті. Оқушыларды  туған жеріне, еліне деген сүйіспеншіліктерін арттыру, оқушылар бойына ұлттық мәдени құндылықтарды сіңіру мақсатында өткен сайысқа оқушылар белсене қатысты.  «Дарабоз» сайысы  V кезеңнен тұрды: 1-кезең: «Сәлем-сөздің атасы»; 2-кезең: «Кім, жылдам?»; 3-кезең: «Полиглот»; 4-кезең: «Сәйкестендіру»; 5-кезең: «Бәйге». Жарысқа қатысқан «Жасұлан», «Жасқыран», «Сұңқар» топтары өз құрамын таныстырып,  ұрандарын айтып, сайыс кезеңдерінде ерекше қызығушылық танытты.  

                                                                                                             Жауапты: тәрбиеші Таңсамалы Серікбаева

Ауғанстаннан әскерлердің шығарылғанына 29 жыл толуына орай әскери-қолданбалы спорт түрлерінен дарынды мектептер арасында облыстық жарыс өтті

     2018 жылғы 8  ақпанда  Дарынды ер балаларға арналған «Білім-инновация» лицей-интернатында «Жарқын болашақ» Х республикалық «KATEV» қазақ тілі олимпиадасының облыстық кезеңі өтті. Мектебімізден әр бағыт бойынша 5 оқушы қатысты. Нәтижесінде, «Әнші бұлбұлдар» бағыты бойынша 8«б»-сынып оқушысы Тлеубек Ерқанат (жетекшісі Ризабек Жанұзақұлы),  «Тілші-әдебиетшілер» бағыты бойынша 11«б»-сынып оқушысы Бәкібай Толғанай (жетекшісі Касыбаева Майра Бағдатқызы) ІІІ орынды иеленді.

     Жүлдегер оқушыларды жеңістерімен құттықтаймыз.

31 қаңтар күні  мектеп мәжіліс залында сағат 15.00-де «Адал ұрпақ» ұйымының ұйымдастыруымен «Рухани жаңғырудың жарқын жолы» тақырыбында 7-10-сыныптар арасында конференция өтті. Оқушыларға видеороликтер көрсетілді. Елбасымыз Н.Ә.Назарбаевтың «Тәуелсіздік дәуірі» атты жаңа кітабы таныстырылды. Тарих пәнінің мұғалімі Т.М.Сарсенов елбасымыздың жаңа туындысында егеменді мемлекетіміздің негізі қаланған күннен бастап оның қалыптасу кезеңдерінің ерекшеліктері мен 26 жылдық тәуелсіздік дәуіріндегі ішкі және сыртқы сын-қатерлерді еңсеруге байланысты қабылданған шешімдердің мән-мазмұны мен тетіктері жайлы жазылғанына егжей-тегжейлі шолу жасады. Сонымен қатар кітапта «қазақстандық даму үлгісінің» табиғаты мен оның эволюциясы, басты ұстанымдары мен қозғаушы күштері сараланғандығын әрі  Отанымыз Қазақстанды жаңғыртудың үш толқыны кеңінен ашып көрсетілгендігін атап өтті.

Жауапты: тәрбиеші Жамалиденова Гашура Шакитовна.

27 қаңтар күні мектебімізде Павлодар облысының 80 жылдық мерейтойына арналған «Менің мақтанышым – Павлодар», «Туған өлкеге тағзым», «Менің Павлодарым», «Туған өлкем», т.б. тақырыптарда 5-10-сыныптар арасында ауызша журнал, конференция, пікір алмасу, т.б. формаларда тәрбие сағаттары өткізілді. Оқушылар облысымыздың тарихымен танысып, тәуелсіз еліміздің тұғырын биіктетуде ерекше орын алатын аймақ екенін танып білді.