Ы.Алтынсарин атындағы дарынды
балаларға арналған

     2018 жылы  14 наурызда 9,10,11-сынып оқушыларына арналған «Сыбайлас жемқорлыққа қарсы заңнаманың қалыптасуына – 20 жыл» тақырыбында конференция-сабақ өткізілді. «Сыбайлас жемқорлыққа қарсы күрес туралы» ҚР Заңы слайд арқылы таныстырылды. «Сыбайлас жемқорлық  дегеніміз не? Онымен күрес қағидалары» атты презентация, «Жемқорлыққа жол жоқ!», «Мемлекеттік қызмет пен сыбайлас жемқорлыққа қарсы іс-қимылдар» тақырыбында әлеуметтік ролик көрсетілді. «Сыбайлас жемқорлыққа қарсы заңнамасы» атты баяндама тыңдалды әрі талқыланды. «Конверт сұрақ»  әдісі бойынша әр сыныптан бір оқушы ортаға шығып, сұрақтарға жауап берді. Оқушылар белсенділік танытып, өз ойларын ортаға салды.

     2018 жылғы 13  наурыз күні ХІХ облыстық Абай оқулары өтті. Нәтижесінде «Өлең – сөздің патшасы, сөз сарасы» номинациясы бойынша  10-сынып оқушысы Жаябаева Даяна (жетекшісі Мұхаметжанова Р.Ж.) – І орын, «Жүйріктен жүйрік озар жарысқанда» номинациясы бойынша 10-сынып оқушысы Абдираимов Ердәулет (жетекшісі Қайрат А.Қ.) – І орын, «Көңілім әнді ұғады» номинациясы  бойынша 6 «б»-сынып оқушысы Сәулет Нұршапағат (жетекшісі Тұрғанбек Асығат Сәулетұлы)  ІІ орын  жүлдегерлері атанды.

     І орын алған оқушылардың жетекшілері «Ұстаздық еткен жалықпас» номинациясы сертификатымен марапатталды. Жүлдегер оқушыларды және жетекшілерін жеңістерімен құттықтап, республикалық кезеңге жолдама алған  Ердәулет пен Даянаға ақ жол тілейміз!

     2018 жылдың 6 наурыз күні 9-11-сыныптар арасында «Мерекелеріңізбен, аяулы аналар, ару қыздар!»  тақырыбында  8 наурыз халықаралық әйелдер күніне арналған мерекелік кеш өтті. Мерекелік кешті 9,10,11-сынып ұлдары арнайы ұйымдастырды. Кеште оқушылар мектебіміздің ару қыздарына, аяулы ұстаздарына арнап, әсем әннен шашу шашып, би билеп, өнерлерін ортаға салды. Павлодар Инновациялық Еуразиялық университетінің 4-курс студенттерінен құрылған Маэстро тобы келіп, кешті одан да әрлендіре түсті.

Облыс  әкімінің орынбасары М.Бегентаевпен бекітілген Павлодар қаласында Қазақстан Республикасының YІІ қысқы Универсиадасын дайындау және өткізу іс-шаралары жоспарын орындау мақсатына орай  2018 жылдың 5 наурызда мектебімізде сағат 12.00-де облысымыздың танымал спортшысы, грек-рим күресі бойынша Қазақстан Республикасының екі дүркін чемпионы, спорт шебері Сырлыбаев Медет Көшербайұлының қатысуымен дене шынықтыру пәнінің мұғалімі Байжырыкова С.К. 5 «а»-сынып оқушыларымен ашық сабақ өткізді.

     2018 жылдың 2 наурыз күні мәжіліс  залында қоғамдағы ананың орнын түсіну әрі аналарды құрметтеу арқылы туған  жерге деген сүйіспеншілікті арттыру  мақсатында  Павлодар қаласындағы республикаға танымал «Нұр - Ана әлемі» қоғамдық бірлестігі мүшелерімен мектептің жоғары сынып қыздары  арасында  «Мейірімділікті  анадан  үйрен!» атты тәрбиелік‑танымдық сұхбат кеші өтті. Қатысқандар: 7,8,9,10‑сынып қыздары, ұстаздар мен  ата-аналар.

     Кешті жас маман Букурова Салтанат Болатовна мен 10-сынып оқушысы Гүлнар Жанболат жүргізді. Кездесу кешіне «Нұр - Ана  әлемі»  қоғамдық  бірлестігінің  жетекшісі  Максилова Бақытжамал  Шаханқызы мен Алпысбек  Нұр  Әлімғалықызы келді.

     «Қариясы бар үйдің, қазынасы бар» деп халқымыз айтқандай, рухани құндылықтарды насихаттап жүрген ардақты аналар кештің көркін кіргізіп, тақырыпты танымды толғаныстарымен талқылап, салиқалы ақыл-кеңестерін ортаға салды.

     Аяулы аналардың құрметіне «Айжан қыз» би тобының бишілерінің орындауында «Қазақ биі», жас толқын өнерлі оқушылардың орындауында әннен шашу шашылды.

     Осы іс-шараның өтуіне  5 "а"-сынып ата-аналарының да қосқан үлестері зор болды.

Бүгін гимназиямызда 8-наурыз мейрамына орайластырылған "Анаға қарап қыз өсер" атты сайыс ұйымдастырылды. 6-7 сыныптар арасында өткен сайыстың жеңімпазы болып 7-сынып оқушысы Бекмұxамбет Фариза мен анасының жұбы танылды. Осындай қызықты іс-шара ұйымдастырған ұстаздарымыз бен белсене қатысқан ата-аналарға алғысымызды білдіреміз!

1 наурыз күні 16:00-де "Miss Altynsarin–2018"сұлулар сайысының жеңімпазы  анықталды. Сайыс 6 бөлімнен тұрды: 1) Таныстыру (бейне-роллик 1 минут); 2) Дефиле; 3) Өнер көрсету; 4) TEDx форматында берілген уақыт ішінде шешендік қабілетін таныту; 5) Сұрақ-жауап; 6) Үй-жұмысы. Сайыстың нәтижесінде:
1."Мисс Алтынсарин–2018" – Марат Аймера;
2."Бірінші вице-мисс" – Кабиденова Аруана;
3."Екінші вице-мисс" – Касенова Даяна;
4."Үшінші вице-мисс" – Бекмұxамбет Гүлзат;
5."Көрермен көзайымы" – Бектемір Ділнaз;
6."Өнерлі Ару" – Арынова Даяна;
7."Көрікті Ару" – Каирова Аяулым.

Ақпанның 19-23 аралығында математика, информатика және физика пәндер апталығы өтті. Апталықтың мақсаты: математика, информатика, физика пәндері бойынша оқушылардың қызығушылықтарын ояту. өзара ынтымақтастыққа, топпен жұмыс жасауға тәрбиелеу, тапқырлыққа, шапшаңдыққа дағдыландыру.   Апталық шеңберінде 6-сыныптар арасында "Кубик-Рубик" сайысы (жауапты: Назриденов С.Н.), 8-11 сынып арасында математикалық сайыс (жауапты: Булатов Д.А.), 5-сыныптарға информатика пәнінен "Инфобілгірлер" сайысы (жауапты: Кенжебаева Д.К.), 9-сыныптарға математикадан "Квест" ойыны (жауапты: Танатова А.С.) өтті. 8-сыныптар физикадан "Темірдің жылу меншікті жылу сыйымдылығын табу" атты зертханалық жұмыс жасады, мұғалімдерге "ActivInspire мүмкіндіктері" атты семинар өтті. 5 "ә" сыныбында математикадан, 7 "а" сыныбында физикадан үш тілде ашық сабақ өткізілді.

2018 жылдың 23-24 ақпанында  Астана қаласында өткен IV Халықаралық “Astana Grand Festival” конкурс-фестиваліне мектебімізден 6 «б»-сынып оқушысы Қанатұлы Даниял І орынды қанжығасына байласа, 8 «б»-сынып оқушысы Касенова Даяна - ІІІ орынның жеңімпазы. Астана сахнасын өнерімен тамсандырған өнерлі өрендерімізді алған асуларымен, жүлделі орындарымен құттықтаймыз.

2018 оқу жылының 23 ақпанында  9 «б»-сынып оқушыларының қатысуымен «Мамандық таңдау – келешекті таңдау» тақырыбында ашық тәрбие сағаты өтті. Оқушылар он кезеңнен тұратын тәрбие сағатына белсенділік танытты. «Мен мамандық таңдаймын»  атты бейнероликте өздері берген сұхбатты тамашалап,  алған әсерлерін ортаға салды. «Кәсіби бағдар» ойынында оқушылар аталған мамандықтардың сыныптастарының ішінде кімге үйлесетінін анықтап, өзіндік көзқарасын, пікірін дәлелмен жеткізді. Жауапты: 9 "б"-сынып тәрбиешісі Жармағамбетова Д.Қ.