Ы.Алтынсарин атындағы дарынды
балаларға арналған

    Ақпанның 10-ы күні мектебімізде «Сыбайлас жемқорлық картасы»  тақырыбында жобалар сайысы өтті. Жоғарғы 8-11 сынып оқушылары жемқорлық туралы мәлімет таныстырумен қатар, Қазақстанның  әр облысында орын алған сыбайлас жемқорлық фактілеріне зерттеу жүргізді. Ол үшін оқушылар кітапханадағы барлық газеттерді оқыды.

     9 ақпан күні Павлодар қаласы Дарынды кыз балаларға арналған облыстық қазақ-түрік лицейінде «Жарқын болашақ» IX республикалық «KATEV» қазақ тілі олимпиадасының облыстық кезеңі өтті. 

     Ақпанның 8-і күні  5-7 сынып оқушыларына арналған «Тазалық-денсаулық кепілі» атты тәрбие сағаты өткізілді. Тәрбие сағатын өткізудің мақсаты: денсаулықтың адам өмір сүруі үшін аса қажеттілігін, оны сақтай білудің адам өміріндегі маңызы, микробтардың ағза қауіптілігін, кір қолдың қандай ауруларға ұшырататынын, жұқпалы аурулардан сақтану жолдарын түсіндіру.

     Бүгін, яғни ақпан айының екінші жұлдызында  5 – 7 сыныптар аралығында бірлескен «Мен және менің құқығым» атты тәрбие сағаты жүргізілді. Тәрбие сағатының мақсаты оқушылардың құқықтық білімін жетілдіре отырып, өз құқығын білетін және қорғай алатын азамат пен азаматша тәрбиелеу.

     Әлемді жайлаған нашақорлық дерті күн сайын тамырын тереңге жайып барады. Себебі есірткіні бір қолданғаннан кейін, тәуелді болып қаласың. Есірткі атты жұқпалы ауруға Қазақстанда шалыққан. Ол уақыт озған сайын асқынып барады. Осы есірткі заттарды қолданатындар жасөспірім ұлдар мен қыздар. Өйткені олар өте еліктегіш болып келеді.

     2017 жылдың 1 ақпанында Елбасымыздың «Қазақстан үшінші жаңғыруы: жаһандық бәсекеге қабілеттілік» атты жолдауының негізінде барлық сыныптарда ақпараттық сабақтар өткізілді. Ақпараттық сабақ мақсаты – оқушыларды елбасымыздың жолдауымен таныстыру.  Елбасымыздың жолдауында  білім мен денсаулық мәселелеріне қатысты айтылған ойлары мен мақсаттары талқыланды. Әрбір оқушы ақпараттық сабаққа өте белсенді ат салысты.

2017 жылы 26-28 қаңтар аралығында кикбоксинг бойынша жасөспірімдер арасында ашық қала турнирі өтті.

     Жылқыбаев Мақажан Несіпбайұлы – 16.03.1937ж. Баянауыл ауданында дүниеге келген. 1968 жылы Семей қаласындағы Н.К.Крупская атындағы мемлекеттік педагогика институтының қазақ тілі мен әдебиеті пәнінің мамандығын тәмамдады. Өзінің еңбек жолын 1957-1958 жылдары Чернорецк балалар үйінен бастайды. 1958-1962 жылдары Павлодар қаласындағы №9 орта мектепте аға пионервожатый қызметін атқарады. 1962-1966 жылдары №3 облыстық қазақ мектеп-интернатында аға тәрбиеші қызметін атқарады. 1966-1972 жылдары Красноармейка мектеп-интернатында оқу-ісінің меңгерушісі болып істейді. 1972-1982 жылдары мектеп-интернат, арнайы мектеп, балалар үйі саласы бойынша Облыстық білім беру бөлімінде инспектор қызметін атқарады. 1982 жылы Павлодар қаласындағы №4 қосымша мектеп-интернатының директоры қызметіне тағайындалды.  1986 жылдан бастап Ы.Алтынсарин атындағы дарынды балаларға арналған облыстық қазақ гимназия-интернатының  директоры.  Бар саналы өмірі мен еңбегін тек бала (ұрпақ) тәрбиелеу ісіне бағыштаған ұстаз-басшы бұл күнде облысқа, республикаға ағарту саласында  өзінің мол тәжірбесімен, еңбегімен танымал.

    Ы.Алтынсарин атындағы дарынды балаларға арналған облыстық қазақ гимназия-интернатында  қаңтар айының 18 жұлдызында Жылқыбаев Мақажан Несіпбайұлының туған күніне арналған іс-шаралар өткізілді. Барлық сыныпта тәрбие сағаттары өтті.