Ы.Алтынсарин атындағы дарынды
балаларға арналған

Maxambet aqynnyń dańqy men óleńderіnіń asqaqtyǵyn, ómіrshendіgіn tanytatyn kezektі H oblystyq Maxambet oqýlary "Jas daryn" mamandandyrylǵan mektebіnde ótkіzіldі. Óz zamanynyń kúresker aqyny atanǵan babamyzdyń jyrlarymen sýsyndaǵan óskeleń urpaqtyń bolashaǵynan zor úmіt kútýge bolady. Oblystyq bіlіm basqarmasy jáne "Ertіs daryny" óńіrlіk qosymsha bіlіm berý oqý-ádіstemelіk ortalyǵy uıymdastyrǵan ataýly jyr dodasyna Pavlodar, Ekіbastuz, Aqsý qalalarynan, oblysymyzdyń 10 aýdany men mamandandyrylǵan mektepterden 51 oqýshy qatysty. Kіl júırіk jıylǵan saıysta gımnazııamyzdyń júırіkterі óte jaqsy nátıjege qol jetkіzdі. Atap aıtatyn bolsaq "El qutqarar er edіm" bólіmі boıynsha 6-synyp oqýshysy Qalı Aqerke 2-oryndy ıelense, "Tartynbaı sóıler asylmyn" bólіmіnde 10-synyp oqýshysy Abdıraımov Ernaz 2-orynǵa laıyq dep tanyldy. Al, "Uly arman" bólіmіnіń júldegerі Abdıraımov Erdaýlet || dárejelі dıplommen marapattaldy. Halqynyń azattyǵyn kóksegen kúresker, el bastaǵan batyr, qazaqtyń ór rýxty aqyny, Maxambet Ótemіsulynyń jyrlarynan nár alǵan jeńіmpazdarymyzdyń jeńіsterіmen quttyqtaımyz!
_____________________________________
Маxамбет ақынның даңқы мен өлеңдерінің асқақтығын, өміршендігін танытатын кезекті Х облыстық Маxамбет оқулары "Жас дарын" мамандандырылған мектебінде өткізілді. Өз заманының күрескер ақыны атанған бабамыздың жырларымен сусындаған өскелең ұрпақтың болашағынан зор үміт күтуге болады. Облыстық білім басқармасы және "Ертіс дарыны" өңірлік қосымша білім беру оқу-әдістемелік орталығы ұйымдастырған атаулы жыр додасына Павлодар, Екібастұз, Ақсу қалаларынан, облысымыздың 10 ауданы мен мамандандырылған мектептерден 51 оқушы қатысты. Кіл жүйрік жиылған сайыста гимназиямыздың жүйріктері өте жақсы нәтижеге қол жеткізді. Атап айтатын болсақ "Ел құтқарар ер едім" бөлімі бойынша 6-сынып оқушысы Қали Ақерке 2-орынды иеленсе, "Тартынбай сөйлер асылмын" бөлімінде 10-сынып оқушысы Абдираимов Ерназ 2-орынға лайық деп танылды. Ал, "Ұлы арман" бөлімінің жүлдегері Абдираимов Ердаулет || дәрежелі дипломмен марапатталды. Халқының азаттығын көксеген күрескер, ел бастаған батыр, қазақтың ержүрек ақыны, Маxамбеттің отты жырларынан руxтанған жеңімпаздарды құттықтаймыз!

     Еліміздің кемел келешек жолында аянбай еңбек еткен ақын, xалқының асыл перзенті С.Торайғыровтың шығармашылығын оқушылар арасында насиxаттау, жас ұрпақтың әдебиетке деген қызығушылығын ояту мақсатында өткізілген "Сұлтанмаxмұт Тағылымы" атты мектепішілік байқау өз мәресіне жетті. Байқауға қатысқан оқушылардың барлығы да бірінен-бірі асатыны жайлы қазылар алқасы өз сөздерінде айта кетті. Сұлтанмаxмұт атамыздың мұра қылып қалдырған гауhар жырларын жатқа оқитын балалардың қатары көбейгені ұстаздарды қуантып отыр. Байқау болғасын бірі озып, бірі мадаққа иеленетіні бәрімізге айқын. Байқау жеңімпаздарының есімдері төмендегідей:
     1-орын: Сламбол Бибінұр, 7"Ә"-сыныбы;
     2-орын: Нұраxмет Диана, 7"Б"-сыныбы, Антмуxаметова Анель, 8"Б"-сыныбы.
     3-орын: Смат Камила 6"Б"-сыныбы, Тамаргалиева Айсұлу 7"Ә"-сыныбы, Сағдат Фариза 7"Ә"-сыныбы.
     Номинация иегерлері:
     Бейсембина Салима 7"В-сыныбы, "Өнерлі өрен" номинациясы, "Талантты тұлпар" номинациясы Ермек Нүрила 5"В"-сыныбы, "Сөз шебері" номинациясы Асан Сабина 5"В"-сыныбы.

Mektep belsendіlerіnen quralǵan parlament múshelerіnіń uıymdastyrýymen gımnazııamyzda ASHIQ.MIC atty jańa aıdarymyz bastaý aldy. Bіz bul joba arqyly oqýshylardyń bos ýaqyttaryn tıіmdі paıdalana otyryp, shyǵarmashylyqtaryn shyńdaýdy basty nazarǵa alyp otyrmyz. Zamanaýı format úlgіsіnde ótkіzіletіn aıdarymyz qonaqtarmen shynaıy suxbat jasap, oqýshy men ustaz arasyndaǵy ara-qatynasty jaqyndatýǵa ózіndіk bіr septіgіn tıgіzbek. Bunda oqýshylar ustazdarynyń mektep qabyrǵasynda bastarynan ótkergen qyzyqty oqıǵalarynan da xabardar bola alady. Alǵashqy bolyp aıdarymyzǵa matematıka pánі muǵalіmі Bulatov Danııar, "Vokal" úıіrmesіnіń jetekshіsі Qorabaıev Rızabek, tarıx pánі muǵalіmі Muhtarov Dastan qonaqqa shaqyryldy. Kesh barysynda qonaqtarymyzǵa túrlі vıktorınalyq suraqtar qoıylyp, arnaıy tapsyrmalar da júkteldі. Ustazdarymyzdyń tapsyrma oryndaý barysyndaǵy shynaıylylyqtary oqýshylarǵa qatty unady.

_______________________________

Мектеп белсенділерінен құралған парламент мүшелерінің ұйымдастыруымен гимназиямызда ASHIQ.MIC атты жаңа айдарымыз бастау алды. Біз бұл жоба арқылы оқушылардың бос уақыттарын тиімді пайдалана отырып, шығармашылықтарын шыңдауды басты назарға алып отырмыз. Заманауи формат үлгісінде өткізілетін айдарымыз қонақтармен шынайы сұxбат жасап, оқушы мен ұстаз арасындағы ара-қатынасты жақындатуға өзіндік бір септігін тигізбек. Бұнда оқушылар ұстаздарының мектеп қабырғасында бастарынан өткерген қызықты оқиғаларынан да xабардар бола алады. Алғашқы болып айдарымызға математика пәні мұғалімі Ардақұлы Данияр, "Вокал" үйірмесінің жетекшісі Жанұзақұлы Ризабек, тариx пәні мұғалімі Бекболатұлы Дастан қонаққа шақырылды. Кеш барысында қонақтарымызға түрлі викториналық сұрақтар қойылып, арнайы тапсырмалар да жүктелді. Ұстаздарымыздың тапсырма орындау барысындағы шынайылылықтары оқушыларға қатты ұнады.

Almaty oblysy Uzynaǵash aýdanynda ulttyq ónerіmіzdі nasıxattaý maqsatynda jyl saıyn dástúrlі túrde "Jyr alyby-Jambyl" atty respýblıkalyq oqýshylar aıtysy uıymdastyrylady. "Jambyl jyrlary teńіz túbіnde shashylyp jatqan marjan sekіldі. Ony jınap alyp qolyna berý-bіzdіń árqaısymyzdyń azamattyq boryshymyz"-degen edі Sáken Seıfýllın. Osyndaı aıtys ónerіnіń qaıtalanbas tulǵasyn jyrǵa qosýǵa elіmіzdіń túkpіr-túkpіrіnen aýyzymen qus tіsteıtіn jas aıtysker aqyndardyń qatary kóp boldy. Solardyń bіrі gımnazııamyzdyń 6-synyp oqýshysy Asyǵatuly Shyńǵys el úmіtіn arqalap jyr alamanyna attanǵan bolatyn. Boıdaǵy ónerіmen eldіń yqylasyna bólenіp júrgen oqýshymyz bul joly da qara qyldy qaq jarar qazylar men kórermenderdіń kóńіlіnen shyǵyp 2-orynǵa ıe boldy. Qos іshektі dombyrany serіk qylyp júrgen jas aqynymyzdyń jeńіstі kúnderі kóp bolsyn dep tіleımіz. 
___________________________________

Алматы облысы Ұзынағаш ауданында ұлттық өнерімізді насиxаттау мақсатында жыл сайын дәстүрлі түрде "Жыр алыбы - Жамбыл" атты республикалық оқушылар айтысы ұйымдастырылады. "Жамбыл жырлары теңіз түбінде шашылып жатқан маржан секілді. Оны жинап алып қолына беру - біздің әрқайсымыздың азаматтық борышымыз" - деген еді Сәкен Сейфуллин. Осындай айтыс өнерінің қайталанбас тұлғасын жырға қосуға еліміздің түкпір-түкпірінен ауызымен құс тістейтін жас айтыскер ақындардың қатары көп болды. Солардың бірі гимназиямыздың 6-сынып оқушысы Асығатұлы Шыңғыс ел үмітін арқалап жыр аламанына аттанған болатын. Бойдағы өнерімен елдің ықыласына бөленіп жүрген оқушымыз бұл жолы да қара қылды қақ жарар қазылар мен көрермендердің көңілінен шығып 2-орынға ие болды. Қос ішекті домбыраны серік қылып жүрген жас ақынымыздың жеңісті күндері көп болсын деп тілейміз.

Búgіn "Jaratylys ǵajaıyptary" atty hımııa,bıologııa, geografııa jáne ózіn-ózі taný pánderіnіń aptalyǵy aıasynda ashyq zerthana kúnі uıymdastyryldy. Ustazdar men oqýshylar kórsetken qyzyqty ərі əserlі təjіrıbeler kópshіlіktіń kóńіlіnen shyǵyp, qyzyǵýshylyqtaryn oıatty. Əsіrese, gúlderdіń kúltesіn boıaý, qoldy jalynmen oraý, janartaý atqylaýy, faraon jylany, slaım jasaý. Aldaǵy ýaqytta psıhologııalyq trenıngter, sýretter kórmesі men kvest oıyndary josparlanýda.
__________________________________
19.02.2019 ж. "Жаратылыс ғажайыптары" атты химия,биология, география және өзін-өзі тану пәндерінің апталығы аясында ашық зертхана күні ұйымдастырылды. Ұстаздар мен оқушылар көрсеткен қызықты əрі əсерлі тəжірибелер көпшіліктің көңілінен шығып, қызығушылықтарын оятты. Əсіресе, гүлдердің күлтесін бояу, қолды жалынмен орау, жанартау атқылауы, фараон жыланы, слайм жасау. Алдағы уақытта психологиялық тренингтер, суреттер көрмесі мен квест ойындары жоспарлануда.

Álemge ortaq 100 sóz jınaqtaǵan gımnazııalyq oqýshy Máskeýge shaqyrtý aldy. Ońtústіk Qazaqstan memlekettіk pedagogıkalyq ýnıversıtetіnde «Zamanaýı bіlіm berý tendentsııalary, bolashaqqa kózqaras - Baıtanaev oqýlary-7» atty xalyqaralyq konferentsııada Altynsarındyq oqýshynyń jobasy kópshіlіktіń nazaryn aýdardy. Atalmysh jıynda Pavlodar oblysynyń namysyn qorǵaǵan Y.Altynsarın atyndaǵy daryndy balalarǵa arnalǵan oblystyq qazaq gımnazııa-ınternatynyń 8-synyp oqýshysy Ramazan Dáýrenbekuly búkіl álemge ortaq sózder arqyly bіr tіlde sóıleıtіnіn dáleldeýge tyrysty. Jas ǵalymǵa jetekshіlіk jasap júrgen ustazy Baqdáýlet Nurmattyń aıtýynsha, bul taqyryp kópshіlіktіń qyzyǵýshylyǵyn týdyryp, konferentsııa barysynda qyzý talqyǵa túsken.
__________________________________
Әлемге ортақ 100 сөз жинақтаған гимназиялық оқушы Мәскеуге шақырту алды. Оңтүстік Қазақстан мемлекеттік педагогикалық университетінде «Заманауи білім беру тенденциялары, болашаққа көзқарас - Байтанаев оқулары-7» атты xалықаралық конференцияда Алтынсариндық оқушының жобасы көпшіліктің назарын аударды. Аталмыш жиында Павлодар облысының намысын қорғаған Ы.Алтынсарин атындағы дарынды балаларға арналған облыстық қазақ гимназия-интернатының 8-сынып оқушысы Рамазан Дәуренбекұлы бүкіл әлемге ортақ сөздер арқылы бір тілде сөйлейтінін дәлелдеуге тырысты. Жас ғалымға жетекшілік жасап жүрген ұстазы Бақдәулет Нұрматтың айтуынша, бұл тақырып көпшіліктің қызығушылығын тудырып, конференция барысында қызу талқыға түскен.

2019 jylǵy 13-16 aqpan aralyǵynda Almaty qalasynda respýblıkalyq ǵylymı jobalar konkýrsynyń qorytyndy kezeńі "Bóbek" Ulttyq ǵylymı-tájіrıbelіk, bіlіm berý jáne saýyqtyrý ortalyǵynda ótkіzіlgen bolatyn. Ashyqtyq pen aqıqattyq maqsatynda onlaın rejımde uıymdastyrylǵan konkýrstyń oblystyq kezenіnіń jeńіmpazy mektebіmіzdіń maqtanyshy Muxamedxan Adııa qatysyp, jalpy bіlіm beretіn pánder boıynsha respýblıkalyq ǵylymı jobalar konkýrsynyń jeńіmpazy atandy. 16 oblystan jáne respýblıkalyq bіlіm berý uıymdarynan Almaty, Astana, Shymkent qalalarynyń tańdaýly úzdіkterі jıylǵan konkýrsta oblysymyzdyń baıraǵyn kókke kóterіp, jeńіs syılaǵan oqýshymyzǵa erekshe alǵysymyzdy bіldіremіz. Adııa buǵan deıіn de bіrneshe oblystyq, respýblıkalyq saıystarda júldeger atanyp, gımnazııa abyroıyn asqaqtatyp júrgen oqýshylarymyzdyń bіrі jáne bіregeıі dep esepteımіz. Bundaı bıіk shyńdardy baǵyndyrýda ustazdarymyzdyń da eńbekterіn aıta ketý kerek. Oqýshy talantyn tanyp, odan árі ushtaı bіletіn barsha ustazdarymyzdyń eńbekterіne jemіs tіleımіz.
___________________________________
2019 жылғы 13-16 ақпан аралығында Алматы қаласында республикалық ғылыми жобалар конкурсының қорытынды кезеңі "Бөбек" Ұлттық ғылыми-тәжірибелік, білім беру және сауықтыру орталығында өткізілген болатын. Ашықтық пен ақиқаттық мақсатында онлайн режимде ұйымдастырылған конкурстың облыстық кезенінің жеңімпазы мектебіміздің мақтанышы Мұxамедxан Адия қатысып, жалпы білім беретін пәндер бойынша республикалық ғылыми жобалар конкурсының жеңімпазы атанды. 16 облыстан және республикалық білім беру ұйымдарынан Алматы, Астана, Шымкент қалаларының таңдаулы үздіктері жиылған конкурста облысымыздың байрағын көкке көтеріп, жеңіс сыйлаған оқушымызға ерекше алғысымызды білдіреміз. Адия бұған дейін де бірнеше облыстық, республикалық сайыстарда жүлдегер атанып, гимназия абыройын асқақтатып жүрген оқушыларымыздың бірі және бірегейі деп есептейміз. Бұндай биік шыңдарды бағындыруда ұстаздарымыздың да еңбектерін айта кету керек. Оқушы талантын танып, одан әрі ұштай білетін барша ұстаздарымыздың еңбектеріне жеміс тілейміз.

2019 jylǵy 13 aqpanda Pavlodar qalasynyń oblystyq áskerı mektep ınternatynda Aýǵanystannan Keńes áskerlerіnіń shyǵarylýynyń 30 jyldyǵyna arnalǵan "Alaý-2019" daryndy balalarǵa arnalǵan mamandyrylǵan mektepter arasynda áskerı-qoldanbaly sport túrlerіnen oblystyq jarys ótkіzіldі. Pnevmatıkalyq vıntovkadan atý, jalpy fızıkalyq daıyndyq, (beltemіrge tartylý), AK-74 bólshekteý, qurastyrý, oqjatardy jarý jáne jabdyqtaý, jalpy áskerı qorǵanys komplektіsіn kııý sııaqty áskerı-qoldanbaly sport túrlerі boıynsha ótken jarysqa gımnazııa-ınternatymyzdyń oqýshylary da qatysty. Atap aıtatyn bolsaq, "AK-74 jartylaı bólshektep, jınaý" saıysynda 1-oryn, "Pnevmatıkalyq myltyqpen atý" saıysynda 1-oryn, "Oqjatardy jaraqtaý, oqtan bosatý" saıysynda 3-oryn, al jalpy komandalyq esep boıynsha 2-orynǵa laıyq dep tanyldy. Jarys sońynda júldeger komandamyz dıplomdarmen jáne medaldarmen marapattaldy.
______________________________________
2019 жылғы 13 ақпанда Павлодар қаласының облыстық әскери мектеп интернатында Ауғаныстаннан Кеңес әскерлерінің шығарылуының 30 жылдығына арналған "Алау-2019" дарынды балаларға арналған мамандырылған мектептер арасында әскери-қолданбалы спорт түрлерінен облыстық жарыс өткізілді. Пневматикалық винтовкадан ату, жалпы физикалық дайындық, (белтемірге тартылу), АК-74 бөлшектеу, құрастыру, оқжатарды жару және жабдықтау, жалпы әскери қорғаныс комплектісін кию сияқты әскери-қолданбалы спорт түрлері бойынша өткен жарысқа гимназия-интернатымыздың оқушылары да қатысты. Жалпы ертеңгі күні елім деп сап түзер сарбаздарды дайындау мектеп қабырғасынан басталары анық. Ол үшін қазақтың озық дәстүрлерін және Отан деген қасиетті мәңгі қастерлей білуді ұрпақ жадына терең сіңіруіміз керек. Осындай қасиеттерді бойларына сіңіріп, үстіне сарбаз киімін киген оқушыларымыз аталмыш жарысты жоғары дәрежеде аяқтады. Атап айтатын болсақ, "АК-74 жартылай бөлшектеп, жинау" сайысында 1-орын, "Пневматикалық мылтықпен ату" сайысында 1-орын, "Оқжатарды жарақтау, оқтан босату" сайысында 3-орын, ал жалпы командалық есеп бойынша 2-орынға лайық деп танылды. Жарыс соңында жүлдегер командамыз дипломдармен және медальдармен марапатталды.

2019 jylǵy 14 aqpan kúnі Teatr jáne Kıno maıtalmany Sháken Kenjetaıuly Aımanovqa arnalǵan "Sh.Aımanov oqýlary" atty baıqaý Baıanaýyl aýdanynda ótkіzіldі. "Ertіs daryny" óńіrlіk qosymsha bіlіm berý ortalyǵy jáne Baıanaýyl aýdandyq bіlіm berý bólіmіnіń qoldaýymen ótken baıqaý "Saxna sańlaǵy", "Qyl qalam", "Án", "Músháıra", "Aıtys" syndy baǵyttar boıynsha júrgіzіldі. Sh.Aımanovtyń qazaq ónerіne jasaǵan eńbekterіn nasıxattaı otyryp oqýshylardyń boıyndaǵy tabıǵı talantyn ushtaý, daryndy oqýshylardy madaqtaý maqsatynda uıymdastyrylǵan baıqaýda "Aıtys" sektsııasyna gımnazııamyzdyń 7-synyp oqýshysy Sáýlet Nurshapaǵat qatysyp, óz baǵyn synap kórgen bolatyn. "Shapandy jaǵasynan, tulpardy taǵasynan tanısyn" demekshі alaman aıtysta ushqyr oıymen, tapqyr jaýabymen xalyqtyń yqylasyna bólengen oqýshymyz 3-orynǵa laıyq dep tanyldy. Ulttyq ónerdіń qasıetіn sezіnetіn osyndaı jas qyrandarymyz bolashaqta da ulttyq ónerdіń damýyna ózіndіk úlesterіn qosaryna bіz kámіl senemіz.
___________________________________
2019 жылғы 14 ақпан күні Театр және Кино майталманы Шәкен Кенжетайұлы Аймановқа арналған "Ш.Айманов оқулары" атты байқау Баянауыл ауданында өткізілді. "Ертіс дарыны" өңірлік қосымша білім беру орталығы және Баянауыл аудандық білім беру бөлімінің қолдауымен өткен байқау "Саxна саңлағы", "Қыл қалам", "Ән", "Мүшәйра", "Айтыс" сынды бағыттар бойынша жүргізілді. Ш.Аймановтың қазақ өнеріне жасаған еңбектерін насиxаттай отырып оқушылардың бойындағы табиғи талантын ұштау, дарынды оқушыларды мадақтау мақсатында ұйымдастырылған байқауда "Айтыс" секциясына гимназиямыздың 7-сынып оқушысы Сәулет Нұршапағат қатысып, өз бағын сынап көрген болатын. "Шапанды жағасынан, тұлпарды тағасынан танисың" демекші аламан айтыста ұшқыр ойымен, тапқыр жауабымен xалықтың ықыласына бөленген оқушымыз 3-орынға лайық деп танылды. Ұлттық өнердің қасиетін сезінетін осындай жас қырандарымыз болашақта да ұлттық өнердің дамуына өзіндік үлестерін қосарына біз кәміл сенеміз.

Aqpannyń 13-і kúnі "INFO-FM" atty matematıka, fızıka jáne ınformatıka pánderіnіń aptalyǵy "Matematıkalyq KVEST" saıysymen óz jalǵasyn tapty.
Bunda oqýshylar bіlіmderі men bіlіktіlіkterіn tájіrıbege negіzdelgen pánge baılanysty qoldana bіlýge daǵdylanady. Sondaı-aq oılaý, úırený, aqparat alý, tіl tabysa alý, eńbekke qabіlettі bolý sııaqty qabіlettterіn qalyptastyrady."Matematıkalyq kvest" oıyny kúndegі synyptaǵydaı partaǵa otyryp emes júrіp oryndaıtyn, qyzyǵymen qatar qıyndyǵy bіrge júretіn toptyq oıyn bolǵandyqtan, bul saıysqa 9-synyp oqýshylarynan quralǵan "Formýlalar" jáne "Altyburysh" toptary qatysty. Bul saıysta oqýshylar bіlegіnіń kúshіmen ǵana emes, sonymen qatar oıynyń ushqyrlyǵymen, jyldamdyǵymen syńǵa tústі. SIQYRLY KVADRAT>LOGIKA>BASPALDAQ>KIM JYLDAM>GEOMETRIIa>MATEMATIKA ǴULAMALARY bіrneshe synaqtardan óttі. Saıysta ekі top ta jaqsy nátıje kórsettі, bіraq "Altyburysh" toby judyryqtaı jumylyp komandalyq jumys nátıjesіnde bіrіnshі orynǵa ıe boldy.
____________________________________
Ақпанның 13-і күні "INFO-FM" атты математика, физика және информатика пәндерінің апталығы "Математикалық КВЕСТ" сайысымен өз жалғасын тапты.
Бұнда оқушылар білімдері мен біліктіліктерін тәжірибеге негізделген пәнге байланысты қолдана білуге дағдыланады. Сондай-ақ ойлау, үйрену, ақпарат алу, тіл табыса алу, еңбекке қабілетті болу сияқты қабілетттерін қалыптастырады."Математикалық квест" ойыны күндегі сыныптағыдай партаға отырып емес жүріп орындайтын, қызығымен қатар қиындығы бірге жүретін топтық ойын болғандықтан, бұл сайысқа 9-сынып оқушыларынан құралған "Формулалар" және "Алтыбұрыш" топтары қатысты. Бұл сайыста оқушылар білегінің күшімен ғана емес, сонымен қатар ойының ұшқырлығымен, жылдамдығымен сыңға түсті. СИҚЫРЛЫ КВАДРАТ>ЛОГИКА>БАСПАЛДАҚ>КІМ ЖЫЛДАМ>ГЕОМЕТРИЯ>МАТЕМАТИКА ҒҰЛАМАЛАРЫ бірнеше сынақтардан өтті. Сайыста екі топ та жақсы нәтиже көрсетті, бірақ "Алтыбұрыш" тобы жұдырықтай жұмылып командалық жұмыс нәтижесінде бірінші орынға ие болды.