Ы.Алтынсарин атындағы дарынды
балаларға арналған

М.Катаев атындағы оқушылар сарайында ұйымдастырылған "Ұшқыр ой алаңы" атты республикалық дебаттық турнирінің облыстық кезеңінің жеңімпазы болып гимназиямыздың оқушылары марапатталды. Айта кетелік, мектеп командасы ақпан айында Шымкент қаласында өтетін республикалық дебат сайысына жолдама алды. Алда өтетін республикалық кезеңге оқушыларымыз команда жетекшісі Бораналина Гүлсана Қанатқызымен дайындалуда.

     Абай Құнанбайұлының 175 жылдығына арналып гимназиямызда "Асыл сөзді іздесең, Абайды оқы, ерінбе" атты интелектуалды сайыс 8-сынып оқушылары арасында өткізілді. Сайысқа әр сыныптан үш оқушы қатысып, 3 кезең бойынша тартысқа түсті. Түрлі викториналық сұрақтарға жауап беру арқылы оқушыларымыздың ой ұшқырлықтары ұшталып қалғандай. Оқушылардың шығармашылық ойлау қабілеттерін арттыру мақсатында ұйымдастырылған аталмыш сайыстың берері мол екендігіне сенеміз.

31 қаңтар күні гимназиямызда пән мұғалімдеріне арналған "Сабақ жоспары - тиімді оқытудың құралы" тақырыбында педагогикалық шеберлік орталығының тренері А.Р. Ибраева семинар өткізілді.
⠀
«Мұғалім әрдайым ізденісте болса ғана шәкірт жанына нұр құя алады» деп Ахмет Байтұрсынов айтқандай, әр мұғалім өз сабағының нәтижелі өткенін қалайды.
⠀
Сабақтың басты міндеті - оқу мақсаттарын жүзеге асыру. Семинар барысында оқу мақсаттарынан сабақ мақсатын шығару, бағалау критерийлері мен оқушыларға ұсынылатын тапсырмалардың бағыты анықталды.
⠀
ҚМЖ құрастырудың тиімді алгоритмі ұсынылып, практикада іске асырылды.

     Оқушылардың салт-дәстүр бойынша білім қабілеттерін тексеру, тапқырлық қасиетін дамыту мақсатында "Жас Ұлан" ұйымы 7-сынып оқушылары арасында "Зерде" зияткерлік сайысын ұйымдастырды. Сайыс 5-кезеңнен тұрды. Оқушылар үш топқа бөліну арқылы ұлттық дәстүр мен тұрақты сөз тіркестерінің мағынасын ашып ұпай жинады. Түрлі наным-сенімдердің, қазақи ырымдардың маңыздылығына тоқталып, тек дәстүрімізге сай ырымдарды сақтап жүру абзал екендігін айтты. Сайыс соңында жеңімпаздар анықталып, оларға арнайы дипломдар мен сыйлықтар табысталды.

Бәрекелді!
⠀    Жас та болсын талабынан нұр жауып өнерге өзін-өзі ерте баулыған Тлеубек Ерқанатымыз Алматы қаласында V халықаралық жастарға арналған "Музыкальное созвездие" атты өнер байқауының эстрадалық вокал номинациясы бойынша I орынды қанжығасына байлады. Бұған дейін де бірнеше байқаулардың жүлдегері атанып жүрген талантты оқушымыз бұл жолы да сүйіншілеп келе жатыр. Жас әншіміздің өнердегі ұстазы Қорабай Ризабек Жанұзақұлы.

     Киелі қара шаңырағымызға айналған білім ордамызда "Мектепке тағзым" жобасын жүзеге асыру аясында түлектер форумы өткізілді. Алғаш рет ұйымдастырылған форумда еліміздің түкпір-түкпірінде әр түрлі салада қызмет атқарып, таңдаған мамандығы бойынша биік жетістіктерге жете білген түлектеріміз бас қосты. Мектеп қабырғасынан түлеп ұшқан түлектеріміз ұрпақтар сабақтастығын жалғастыру мұратында өткізілген форумға қатысқандарына дән риза болды. Оқушы кездеріндегі қызықты сәттерін еске алып, қазіргі мектеп тынысымен танысты.
⠀    Форум барысында мектеп директоры Қалдыбаев Шоқан Түймебайұлы форумға қатысушыларды форумның мақсат-міндетімен таныстырып оның маңыздылығына тоқтала кетті. Сондай-ақ гимназиямызда еңбек еткен ардагер ұстаздар қауымы мен басшылық қызмет атқарған ардақты ұстаз Жылқыбаев Мақажан Несыпбайұлы, Сүлейменов Жомарт Нұртайұлы, Ахметниязова Айгүл Жұматқызы құрметті қонақ ретінде шақырылды.
⠀    Басты 3 мақсатты көздеген, атап айтсақ, 1) түлектердің оқу-тәрбие ісіне белсене ат салысуы, 2) "Мектепке тағзым" акциясын қолдау, 3) түлектер қауымдастығын құру, форум аясында баяндамалар оқылып, алдағы уақытта атқарылар бірқатар істер жоспарланды.  Сондай-ақ түлектер қауымдастығын құруда көптеген игі істердің атқарылуына ұйытқы болар арнайы жұмыс тобы жасақталады.
⠀    Форум соңында келген қонақтарымыз мектеп асханасында жайылған ақ дастарханнан дәм татып, игі бастамаға сәттілік тілеп, қолдау көрсететіндерін айтты.

     Әлемде көптеген қызықты нәрселер орын алады. Бір нәрсені білу үшін біз Интернетті дереу пайдаланамыз. Иә, бүгінде интернет - адамзат білетін ең үлкен ақпарат көзі. Оның мүмкіндіктері: ұзақ және қысқа қашықтықтағы пайдаланушылар арасында тиімді, жылдам және қол жетімді. Интернетті қолдану тек білім беру құралы ретінде ғана емес, сонымен қатар байланыс құралы ретінде пайдалануға мүмкіндік береді. 
     Интернет соншалықты көп қырлы, әркім одан қажетті және қажетсіз, қызықты және пайдасыз нәрсе табады. Сондықтан Интернеттің өзіндік оң(+) және өзіндік теріс(-) жақтары бар.
     Ал, қаңтар айының соңғы жексенбі күні әлемде Халықаралық интернетсіз күні (International Internet-Free Day) атап өтіледі.
     Бұл мерекенің басты мақсаты-адамдарды интернет-желіден бір күнге тек қана "шынайы" әлемде өмір сүруге толығымен алаңдату, бұл күні басқа адамдармен тек "тірі" қатынас жасау немесе оны өзіне ұнайтын хоббиіне (әрине, интернетпен байланысты емес) арнау.
     Біздер таңның атысы мен кештің батуына қарамай жаңа заман техникасын игеруге талпына бермей, бір сәт өзіміздің сүйікті хоббиымызбен айналысып, өзімізге қажетті іс жасауымыз қажет.Алайда «Жақсыдан үйрен, жаманнан жирен» демекші әрдайым кез келген нәрсенің өзімізге керегін алайық, пайдасын көріп біліп, ал зиянынан сақтанайық демекпін.
     Осы акцияға байланысты мектебімізде келесі іс-шаралар жасалды:
21.01.20 5-сыныптар арасында суреттер көрмесі ұйымдастырылды.
22.01.20 6-7 сыныптар эссе жазды; 9-10 сыныптар КВН ұйымдастырды.
23.01.20 5-6 сыныптар арасында «Мен OFFLINE (оффлайн)» тақырыбында ашық сабақ өткізілді.
24.01.20 8-сыныптар қабырға газеттерін ілді.

     Білімді ұрпақ ел болашағы - демекші қарыштап дамып келе жатқан техникалық заманда, білімді ұрпақ интернеттен өзіне қажет мәліметтерді тиімді пайдаланып, Қазақстанға өзіндік үлесін қосады деп сенемін. Сондықтан интернетті қауіпсіз әрі тиімді пайдалану өз қолымызда.

     Prezıdentіmіz Qasym-Jomart Toqaev óz joldaýynda aıtqandaı 2020-jyl "Erіktіler jyly" dep jarııalandy. Álem halqynyń 970 mıllıony volonter bolsa, onyń іshіnde árbіr segіzіnshі qazaqstandyq erіktіler qataryn tolyqtyrýda. Bul degen erіktіlerdіń sany artyp kele jatqandyǵynyń dálelі.
⠀     Osyǵan sáıkes mektebіmіzdegі "Jas Ulan" uıymynyń belsendіlerі qala turǵyndarynan bіrqatar suraqtar qoıý arqyly saýalnama júrgіzіp kórdі. Tolyǵyraq beınematerıaldan kóresіzder.
_______________________________________
      Президентіміз Қасым-Жомарт Тоқаев өз жолдауында айтқандай 2020-жыл "Еріктілер жылы" деп жарияланды. Әлем халқының 970 миллионы волонтер болса, оның ішінде әрбір сегізінші қазақстандық еріктілер қатарын толықтыруда. Бұл деген еріктілердің саны артып келе жатқандығының дәлелі.⠀
     Осыған сәйкес мектебіміздегі "Жас Ұлан" ұйымының белсенділері қала тұрғындарынан бірқатар сұрақтар қою арқылы сауалнама жүргізіп көрді. Толығырақ бейнематериалдан көресіздер.

     Ózderіńіz bіletіndeı Prezıdent Qasym-Jomart Toqaev 2020-jyldy "Erіktіler jyly" dep jarııalady. Bul oraıda erіktіler qozǵalysynyń jańa kezeńge túskenі jaıly aıta ketken jón. Sondaı-aq memleket basshysy óz joldaýynda azamattyq qoǵamdy nyǵaıtýda erіktіlerdіń orny erekshe ekenіn atap óttі. Gımnazııalyq oqýshylarymyz erіktіler jylynda qoǵamǵa paıdaly bolýdyń kózіn іzdep, bіlek sybanǵan tárіzdі.
⠀     Iaǵnı, "Erіktіler Smile" degen ataýmen klýb qurylyp, zeınetkerler men qoldaýǵa muqtaj adamdardyń úılerіne baryp qol úshіn berdі.
____________________________________
     Өздеріңіз білетіндей Президент Қасым-Жомарт Тоқаев 2020-жылды "Еріктілер жылы" деп жариялады. Бұл орайда еріктілер қозғалысының жаңа кезеңге түскені жайлы айта кеткен жөн. Сондай-ақ мемлекет басшысы өз жолдауында азаматтық қоғамды нығайтуда еріктілердің орны ерекше екенін атап өтті. Гимназиялық оқушыларымыз еріктілер жылында қоғамға пайдалы болудың көзін іздеп, білек сыбанған тәрізді.
⠀    Яғни, "Еріктілер Smile" деген атаумен клуб құрылып, зейнеткерлер мен қолдауға мұқтаж адамдардың үйлеріне барып қол үшін берді.

     Халқымыздың дана ақыны Абай Құнанбайұлының 175 жылдығына орай, Абайдың қара сөздерін жастарға насихаттау мақсатында оқу жылының соңына дейін әр сәрсенбі күндері мектеп ұжымы және оқушылар арасында Абай атамыздың қара сөздерін талқылайтын боламыз. Келемін деушілерге есігіміз ашық.