Ы.Алтынсарин атындағы дарынды
балаларға арналған

     Құрметті ата-аналар!
      Облысымызда 13 сәуірден бастап карантин енгізілуіне байланысты гимназия-интернатымызға қабылдау емтиханы белгісіз мерзімге ұзартылды. Қабылдау емтиханы өткізу белгілі болған кезде мектебіміздің әлеуметтік желісі арқылы хабарлап, ресми сайтымызда жариялайтын боламыз.

     Қашықтан оқу балалардың өзіне деген сенімділігін арттырады. Өздеріңіз білетіндей елдегі төтенше жағдайға байланысты қазіргі таңдамектеп оқушылары түгелдей үй жағдайында білім алуда. Бұл оқу жүйесі оқушылардың өздігінен жұмыс жасау арқылы тиянақтылық пен жауапкершілік қасиеттерін арттыруға көп септігін тигізбек. Осы орайда назарларыңызға үй жағдайында білім алып жатқан 5"а"-сыныбының әуесқой түсірілімдегі бейнеролигін ұсынамыз.

     Ыбырай Алтынсарин атындағы дарынды балаларға арналған облыстық қазақ гимназия-интернатының ата-аналар ұжымы ел басына іс түскенде, әлемде болып жатқан індет уақытында балаларымыздың саулығы үшін қашықтықтан оқытып, жұмыла жұмыс жасап жатқан барлық мектеп ұжымына алғысын білдіреді.

      Өскелең жас ұрпақтың өн бойына адалдық, парасаттылық, әділдік құндылықтарын сіңіру мақсатында гимназиямыздың оқушыларымен қашықтықта "Адалдық сағаттары" ұйымдастырылды. Онда оқушылар жемқорлыққа қарсы екендіктері туралы өз ойларын бейнежазбаға түсіріп, әділдікті ту еткен кемеңгерлердің туралығын жан-жақты айтып өтті. Тіпті, сыбайлас жемқорлықтың кері әсері туралы шағын бейнематериал дайындап, бізбен бөлісуде. Адалдық пен әділдікті шамшырақ еткен оқушыларымыздың еңбектерін бағалап қойыңыздар.

     Еліміз бойынша 6 сәуір күні басталған қашықтан оқыту жалғасуда. 4 тоқсанда оқушылар бір БЖБ мен бір ТЖБ тапсыратын болады. Сондай-ақ қорытынды аттестаттау емтихандары өткізілмейді, аттестатқа жылдық қорытынды бағалар қойылады.

"Адалдық-адамдық белгісі"-деген сөздің астарында көп мағынаның бары айқын. Адам бойында парасаттылық пен ақылдылық басым болса, рухани болмысы да соған қарай бекімек. Осы орайда 10"б"-сынып оқушылары адалдық деген ұғымның өрісін кеңейтіп, арнайы дайындаған бейнежазбаларын оқырмандарымызға жолдауда.

Видео

Қымбатты оқушылар!
      Міне, 4-тоқсанның алғашқы аптасы да аяқталды. Ұстаздарыңызбен қашықтықта жұмыс жасау арқылы үлкен тәжірибе жинаудасыздар.
       Қолжетімді бағдарламаларды пайдалану арқылы да өздігінен білім алуға бейімделудесіздер. Әрине мұндай тәжірибе келешекте үлкен пайдасын тигізбек.
       Қашықтықтан оқыту - бұл білім беру жүйесінің жаңа беталысы болмақ.
       Яғни, сіздер өздігінен жұмыс жасау арқылы білімдеріңізге анализ жасап, еңбек ету дағдысын қалыптастырудасыздар.
       Цифрлық құзыреттіліктеріңіз артып, тағы бір жаңа белеске қадам бастыңыздар.

     Қорытынды аттестаттау емтихандары өткізілмейді.
      Биыл 9, 11 сынып оқушылары қорытынды аттестаттау емтихандарын тапсырмайтын болды. Аттестатқа олардың жылдық қорытынды бағалары түседі.

      ҰБТ өткізу мерзімі өзгеріссіз қалды. Қазіргі уақытта Ұлттық тестілеу орталығының ресми сайтында ҰБТ-ға дайындық сынама тесттерін тегін тапсыруға болады. Әр пән бойынша 70 нұсқа ұсынылған.

Кітап оқуда ерекше жетістікке жеткендер:

• М.Горький минутына 4000 сөз оқыған.
• Француз жазушысы Оноре де Бальзак жарты сағатта 200 беттік романды оқып бітіретін болған.
• Наполеон минутына 2000 сөз оқыған.
• Томас Эдисон бір мезетте кітапты 2-3 қатардан оқыған

      Салауатты өмір салтын сақтау арқылы біз өз денсаулығымызды нығайтып, күш-жігеріміздің мықты болуына жұмыс жасаймыз. Себебі денсаулық - баға жетпейтін жалғыз ғана асыл дүние. Гимназиялық оқушыларымыз да денсаулықтың адам өміріндегі атқарар рөлі зор екенін біледі.
      Үй жағдайында білім алып жатқан жас өрендеріміз шығармашылыққа бір сәт көңіл бөліп денсаулық күніне салған суреттерімен бөлісіп жатыр.