«New education Asia» халықаралық білім алаңы мен Қазақ ұлттық қыздар педагогикалық университетінің ұйымдастыруымен жас ғалымдардың халықаралық Исаев оқулары бейнеконференциясы өтті.

⠀

Шараға қатысуға Алматы, Астана, Ақтөбе, Павлодар, Қарағанды, Қызылорда, Орал, Талдықорған өңірлерінен және Түркия, Өзбекстан, Ауғанстан, Татарстан елдерінен 70-ке жуық мақала келіп түскен.

⠀

Оған 40-тан астам жас ғалым онлайн режимде қатысып, өз зерттеулерін ортаға салды.

⠀

Халықаралық деңгейдегі конференцияда өз ғылыми жобасын қорғаған Ы.Алтынсарин атындағы дарынды балаларға арналған облыстық қазақ гимназия интернатының 9-сынып оқушысы Рамазан Дәуренбекұлы жүлделі 3-орынға ие болды.

⠀

Ол ұстазы Бағдәулет Асанұлының ғылыми жетекшілігімен бірнеше жылдан бері әлем тілдерінің негізі бір тіл екенін, әлем бір тілде сөйлейтінін зерттеуде.