Ы.Алтынсарин атындағы дарынды
балаларға арналған

Өздеріңіз білетіндей елімізде орын алған төтенше жағдайға байланысты қашықтықтан оқу жүйесіне көшкен болатынбыз. ⠀Содан бері жас өрендеріміз бен ұстаздарымызды гимназиямыздың тыныс-тіршілігі сағындыртқаны рас. ⠀Ұстаздың балаға, баланың ұстазға деген мейірімін сөзбен жеткізу мүмкін емес. Ал, ата-ананың мектепке деген жаңашырлығы тіпті бөлек. ⠀Осы ретте мектеп директоры мен ұстаздарымыз және ата-аналарымыз ұлттық киімдерін киіп, бір-біріне деген жылы лебіздерін тамаша жыр жолдарымен жеткізуде.

     29.04.20 ж. гимназиямыздың  және ауданның қоғамдық-гуманитарлық бағыттағы пән  ұстаздарына арналған «Тапсырмаларды құрастырудың ерекшеліктері» атты вебинар Педагогикалық шеберлік орталығымен бірлесіп өткізілді. Вебинарда тренер, білікті маман Айман Ибраева аталмыш сұрақ төңірегінде ұстаздарға нақты бағыт-бағдар көрсетіп, өзінің тәжірибесімен бөлісті.
⠀

Мектеп бітірушілердің назарына
8-8000-80-71-77
⠀

30.04.20 ж. Ақтоғай ауданының мектептерін қолдау және кәсіби өзара іс-әрекет жұмыстарын іске асыру мақсатында орнаған ынтымақтастық аясында шеберлік сағат «GoogleClassroom платформасы, Google нысандарын қадамдық қолдану» тақырыбында тәжірибесімен бөліседі.
Спикерлер: директордың электронды оқыту жүйесі жөніндегі орынбасары Кенжебаева Даметкен Камариденовна және информатика пәнінің мұғалімі Тлеулесова Асем Аскаровна

29.04.2020 ж. Ақтоғай ауданының мектептерін қолдау және кәсіби өзара іс-әрекет жұмыстарын іске асыру мақсатында орнаған ынтымақтастық аясында «Қоғамдық-гуманитарлық пән мұғалімдеріне арналған тапсырманы құрастыру ерекшеліктері» атты вебинар өтті.
Спикерлер: Ғылыми-әдістемелік мәселелер жөніндегі директордың орынбасары Камалова Нургуль Ергалымовна және Педагогикалық шеберлік орталығының тренері Ибраева Айман Рахимжановна.

    Жыр мүшәйрасына деген қызығушылығын танытып қалам сілтеген жас ақындарымыздың Ұлы Жеңіске арнаған жырларының қатары әлі сейілер емес.

     Құрметті оқырмандар!

     Ұлы Жеңістің 75 жылдығына арналған "Ерлікке тағзым" атты жыр мүшәйрамыз өз жалғасын табуда. Қатысушыларымыз найзаның ұшымен келген жеңісті, қаламның ұшымен жырға қосуда. Жас ақындарымыздың белсендік танытқандары әрине бізді қуантады.

     Ұлы Отан Соғысындағы Жеңістің 75 жылдығына арналған мектепішілік "Ерлікке тағзым " атты жыр додасы жалғасуда. Жас ақындарымыз бабалардың ерлігіне тағзым етіп, алғыстарын жыр шумақтарымен жеткізуде.

Мүшәйра! Мүшәйра! Мүшәйра!

⠀    Ы.Алтынсарин атындағы дарынды балаларға арналған облыстық қазақ гимназия-интернаты Ұлы Отан Соғысындағы Жеңістің 75 жылдығына арналып мектепішілік "Ерлікке тағзым " атты мүшәйра өтетінін хабарлайды.
⠀    Өскелең ұрпақтың тарихи танымын арттыра отырып рухани жан дүниесін кемелдендіріп, бабалар ерлігін дәріптеп тағзым етуге негізделген байқауға 5-11 сынып аралығындағы оқушылар қатыса алады.
⠀    Өлеңдер сәуірдің 25-не дейін қабылданады.

     2017 жылдан бастап ҰБТ-да "Алтын белгіні" растау талап етілмейді. 5-11 сыныптар аралығында барлық пәндер бойынша қорытынды жылдық бағасы "5" болса және бітіру аттестаттау емтихандарын үздік тапсырса, жеткілікті.
⠀     Қазіргі жағдайға байланысты 9,11-сынып оқушылары бітіру емтихандарын тапсырмайды, сондықтан "Алтын белгі" жылдық қорытынды бағаларының негізінде беріледі.
⠀    Биыл "Алтын белгіден" 7 444 түлек үміткер.