Ы.Алтынсарин атындағы дарынды
балаларға арналған

     Елімізде барлық мектептер төртінші тоқсанды бастап, қашықтықтан білім алу жүйесіне кірісіп кетті. ҚР Білім және ғылым министрлігі тиімді шараларды іске асырып, оқушыларымыздың білім алуына, ұстаздарымыздың жұмыстарын әрі қарай жалғастыруына мүмкіндік жасауда. Оқушылар "Балапан және Ел Арна" телеарналарынан көрсетілетін бейнесабақтарды қарап, интернет платформалар арқылы ұстаздарымен кері байланыс орнатуда. Осындай сын сағатта біздер үшін ата-аналарымыздың да қолдауы аса маңызды. "Жұмыла көтерген жүк жеңіл" демекші білім биігін бірге бағындырайық.

     Әлем жұртшылығын дүр сілкіндірген коронавирус, көптеген елдерге тарап та кетті. "Ауырып ем іздегенше, ауырмайтын жол ізде" демекші аталмыш дерттің алдын алу мақсатында мектеп ауласына түгелдей дезинфекция жасалды.

     Бүгін сынып тәрбиешілері күн тәртібінде белгіленген тақырыптар аясында мектеп ата-аналарымен ата-аналар жиналысын online-режимінде өткізді. Мақсаты короновирустық инфекция пандемиясы кезеңінде әр мектепте қашықтықтан оқытуды ұйымдастыру туралы ақпараттандыру. Сондай-ақ ата-аналар жиналысының тақырыбы бойынша негізгі мәселелер баяндалып, қашықтықтан оқыту режимі эпидемиологиялық жағдайға байланысты сақталатыны туралы айтылды.
⠀     Қашықтықтан оқыту бойынша ата-аналарға арналған ұсынымдар таныстырылды. Мәселен, (мұғалім ұсынған форматтағы қашықтықтан оқытуға баланы уақытылы қосу, мұғаліммен байланысуын, кері байланыс алуы, баланың оқу материалдарын өз бетімен оқуды және тапсырмаларды орындауын қадағалау т.б.)

      Құрметті ата-аналар мен оқушылар!
⠀     Еліміздегі төтенше жағдайды ескере отырып гимназиямыз да төртінші тоқсанды қашықтықтан оқыту форматында бастайды. Қазіргі таңда балалар көктемгі демалыстарын тиімді өткізіп жатыр деген сенімдемін. Ал гимназиямыздың ұстаздары болса, балаларды жаңаша оқытуға өздерінің цифрлық құзіреттілігін күшейту бойынша жұмыс жасауда.
⠀     Білім ордасында қашықтықтан оқыту бойынша жедел желі жұмысын бастады. Барлық сұрақтарыңызға осы нөмірлер арқылы жауап алуларыңызға болады.

⠀     Қымбатты оқушылар!
⠀     Қашықтықтан оқыту форматы өздерің үшін алғашқы тәжірибе болғалы тұр. Сондықтан қашықтықтан оқытудың тиімді тұстарын түсіндіре кеткенді жөн санадым. Біздің ұстаздар қашықтықтан оқыту барысында әлемдегі және еліміздегі озық платформаларды қолданылатын болады. Педагогтар оқыту процесін Kundelik.kz, Zoom, bilimland, google, classroom, edmodo секілді ресурстар арқылы жүргізеді. Бекітілген сабақ кестесін kundelik.kz бағдарламасынан көре аласыздар.
      Ұстаздар мен оқушыларға білім әлемінде жаңа асуларды меңгеру жолында табыс тілеймін.

Құрметті ата-аналар және білім алушылар! ⠀
Егер қашықтықтан оқыту бойынша сұрақтар туындаған жағдайда CАLL орталық нөміріне SMS - хабарлама қалдырып, немесе тікелей хабарласып ақпарат ала аласыздар.
Телефон: +7 747 714 38 90
Жұмыс уақыты: ДС-ЖМ
09:00 - 18:00
Түскі үзіліс 13:00-14:00

    Оқушылар сарайында екі күн қатарынан "Мамандықтар әлемін ашамыз" атты облыстық форум өтті. Павлодар облысында аудандық, қалалық командалар өзара бәсекеге түсіп, ең үздіктерін анықтады. Бірінші күні қазылар алқасына мамандықтар тақырыбына эссе, презентация және бейнероликтер ұсынылды. Форумға қатысушылар өз стилінде мамандық таңдаудың маңыздылығы және бұл шешім алдағы өмірде қалай көрініс табатыны туралы айтып берді.

   ⠀Екі күндік конкурстың қорытындысы:

• "Мамандықтар әлемін ашамыз" атты форумның үздік бейнеролигі байқауында 1-орынға Ы. Алтынсарин атындағы облыстық қазақ гимназия-интернатының оқушысы Айтмұхамбетова Әнел (жетекшісі Сәрсенов Төлеген) ие болды.
• Ең үздік презентация бағытында болса 1-орынды Ы. Алтынсарин атындағы гимназия-интернатының оқушысы Қалиасқарұлы Дәнекер (жетекшісі Нұрмат Бағдәулет ) жеңіп алды.

   ⠀Әр номинацияның жеңімпаздары Павлодар облысын республикалық кезеңге қорғайды.

     "Miss Altynsarin - 2020" байқауының қорытындысы:
     Miss Altynsarin - 2020 - Ахмедеева Лиана 10 "А";
     I Vice-Miss - 2020 - Мүлік Камила 10 "Б";
     II Vice-Miss - 2020 - Жомарт Ақтоты 11 ;
     III Vice-Miss - 2020 - Темірболат Аружан 9 "А".

     "Қызға қырық үйден тыйым" деп қазақ салт-дәстүрінде тәрбиелік ұғым, ұстанымды атайды. Бұл сөздің астарында үлкен мән мағына бары сөзсіз. Қазақ халқы ежелден ұрпақ тәрбиесіне ерекше мән берген. Қанаттыға қақтырмай, тұмсықтыға шоқтырмай аялап отырған бұрымды қыздары мен тұлымды ұлдарының тәрбиесін бірінші орынға қойған.
     Гммназиямызда білім алып жатқан қыздарымыздың да тәрбиесі басты назарда. Осы тұрғыда "Нұр Ана" орталығының ақ жаулықты әжелерімен "Әжелер сөзі - ақылдың көзі" атты кездесу ұйымдастырылды. Кездесу барысында әжелереміз тағылымға толы ақыл-кеңестерімен бөлісіп, керемет кештің куәсі болып қайтты.

     Абай Құнанбайұлының поэзиясының ауқымын кеңінен тарқатып зерделеу оңай шаруа емес. Абайдың әрі лирикалық, әрі философиялық өлеңдерін оқи отыра әлемге жаңаша көзбен қарауды үйренеміз. Келешек ұрпақты білім мен ғылымға жақын қылып өсіруде тәрбиені қатар бойларына сіңіру ұстаздық борышымыз екенін де сезінеміз. Осы тұрғыда Абай атамыздың 175 жылдығына орай ұйымдастырылып жатқан шара барысында ұлы ақынның қара сөздерінің мән мағынасын ашып тағылымға толы ойларының басты идеясына тоқталып 7-сынып оқушылары дөңгелек үстелде өз білімдерін ортаға салды.
      Абайдың сыршылдығы мен сыншылдығын тану үшін де осындай игі шараларды өткізуді жөн санап, мектеп ішінде әр аптаның сәрсенбісінде Абай (Ибраhим) атамыздың сыр сандығынан ақыл парасат дейтұғын баға жетпес байлықты ақтарып, оқушыларымызбен бөлісудеміз. Біз Абайды тану арқылы, әлемді танитынымызды ұмытпайық.

Өз тілшіміз