Ы.Алтынсарин атындағы дарынды
балаларға арналған

     Altyn-uıa mektebіmіz 2018-2019 oqý jylynyń sońǵy qońyraý saltanatty jıynyń "Syńǵyrla, sońǵy qońyraý!" dep atap, bolashaq maman ıelerіn mektep qabyrǵasynan túletіp ushyrdy.
⠀    Saltanatty jıynda aldymen mektep abyroıyn oblystyq, respýblıkalyq bіlіm dodalarynda jáne túrlі baıqaýlarda úzdіk atanǵan mektep maqtanyshtary ortaǵa shaqyryldy.
⠀    Keıіn oblystyq іshkі saıasat basqarmasynyń basshysy Dáýenov Ernur Nurlanuly men bіlіm berý basqarmasynyń tárbıe jáne qosymsha bіlіm berý bólіmіnіń basshysy Ibraeva Gúlnar Raqymjanqyzyna quttyqtaý sózі berіldі.
⠀    Sondaı-aq saltanatty jıyn barysynda oqý jylyn úzdіk aıaqtaǵan oqýshylarǵa maqtaý qaǵazdary tabystalyp, bıylǵy jyldyń "Jyl oqýshysy" ataǵy Ilımxan Aqerkege buıyrdy.
⠀    Gımnazııaǵa degen qımastyq sezіmіmen úlken ómіrge aıaq basyp bara jatqan barlyq túlekterіmіzge sát-sapar tіleımіz!
____________________________________

     Алтын-ұя мектебіміз 2018-2019 оқу жылының соңғы қоңырау салтанатты жиының "Сыңғырла, соңғы қоңырау!" деп атап, болашақ маман иелерін мектеп қабырғасынан түлетіп ұшырды.
⠀    Салтанатты жиында алдымен мектеп абыройын облыстық, республикалық білім додаларында және түрлі байқауларда үздік атанған мектеп мақтаныштары ортаға шақырылды.
⠀    Кейін облыстық ішкі саясат басқармасының басшысы Дәуенов Ернұр Нұрланұлы мен білім беру басқармасының тәрбие және қосымша білім беру бөлімінің басшысы Ибраева Гүлнар Рақымжанқызына құттықтау сөзі берілді.
⠀    Сондай-ақ салтанатты жиын барысында оқу жылын үздік аяқтаған оқушыларға мақтау қағаздары табысталып, биылғы жылдың "Жыл оқушысы" атағы Илимxан Ақеркеге бұйырды.
⠀    Гимназияға деген қимастық сезімімен үлкен өмірге аяқ басып бара жатқан барлық түлектерімізге сәт-сапар тілейміз!

     Еліміз бойынша Республикалық қоғамдық-гуманитарлық бағыттағы мектептер арасында 2 орында тұрған Павлодар облысының Ы. Алтынсарин атындағы дарынды балаларға арналған облыстық қазақ гимназия-интернаты осы жылы олимпиада да зор жетістікке жетіп, қатысқан оқушылардың 100% жүлдемен оралған. Осыған орай, мектеп ұжымы Павлодар қаласындағы мәдениет үйінде ұлан-асыр концерт қойып, үздіктерді марапаттау рәсімін өткізді.
⠀    Жиында сөз алған гимназия-интернатының директоры Бақытжан Шайманұлы, мектептің оқушылары, ұстаздары биіктерден көрініп, жүзден жүйрік, мыңнан тұлпардай озып,өздерінің білімді, білікті екенін дәлелдегенін айтып, ізгі тілегін білдірді. Сондай-ақ, оқушылардың шығармашылық, зерттеушілік ізденіс жұмыстарына баулуда бағыт берген, ғылым негіздерін меңгеруіне жол ашқан, қабілетін жетілдірген, дарындылығын шыңдауда зор үлес қосқан аға-буын өкілдері, педагогика ғылымдарының докторы, профессоры Еңлік Өсербайқызы, филология ғылымдарының кандидаты, доценті Ольга Александровна, Филология ғылымдарының кандидаты Қуаныш Советұлына, «Желдірме» ақындар мектебінің жетекшісі Асығат Сәулетұлына алғыс хатттарды табыстады. Жиылған қауымға арнайы Иса Байзақов атындағы Облыстық филармониясының солисі Анель Канатова «Бұлбұл» әнін орындап, көрерменге мерекелік көңіл күй сыйлады.
⠀    Салтанатты жиында мектептің жүрегі, ардақты ұстаздар «Білгір бапкер», «Өнерлі ұстаз», «Жаңа белес», «Креативті ұстаз», «Мәртебелі ұстаз» номинациялары бойынша марапатталып, алғысқа кенелді. Мектебінің жалауын биіктен желбіретіп жүрген оқушылар «Шабыт», «Жарқын болашақ», "Алаш арманы" «Ертіс жұлдызы» аталымының иегерлері атанды. Ата –аналар да тыс қалмай, «Мектеп жанашыры» деген атқа ие болды. Оқушылар марапаттау рәсімінен ерекше әсер алып, ұстаздарына шексіз алғыстарын білдірді.

23.05.2019 ж. сағат 11:00-де Облыстық полиция Департаментімен №16 ЖОББМ базасында онлайн-сабақ өтті.

Тақырыбы:

1. "Жазғы демалыстағы кәмелетке толмағандардың құқықбұзушылықтың алдын алу туралы";

2. "Дін туралы".

18.05.2019 ж. Ы.Алтынсарин атындағы облыстық қазақ гимназия-интернатына 5 сыныпқа қабылдау емтиханының нәтижесі белгілі болды.

 Eren eńbegіmen el esіnde qalǵan jerlester esіmіn keleshek urpaqqa umyttyrmaý maqsatynda gımnazııamyzdyń 8-synyp oqýshylary tyl ardagerі Zagaıchýk Aleksandra Pavlovnamen kezdestі.
⠀Oqýshylarymyz ardagerіmіzdіń úıіnde qonaqta bolyp, soǵys jyldary basynan ótkergen qıyndyqtary jaıly áńgіme órbіttі. Sonymen qatar, ardagerіmіz sóresіnde saqtalǵan tarıxı sýretterіn alyp, ótken kúnge bіr sát sholý jasady.
⠀Aıta ketelіk, ardagerіmіz bıyl 92-ke jasqa aıaq basqan eken. Osy bіr jyldar arasynda Qazaqstandy Otanym dep tanyp, eldіń egemendіgі úshіn kúrestі.
⠀Uly Otan soǵysy jeńіsіmen quttyqtaı kelgen gımnazııa órenderіn ystyq yqylaspen qarsy alyp, bolashaqtarynyń jarqyn bolýyna tіlekshі ekenіn jetkіzdі.
________________________________
 Ерен еңбегімен ел есінде қалған жерлестер есімін келешек ұрпаққа ұмыттырмау мақсатында гимназиямыздың 8-сынып оқушылары тыл ардагері Загайчук Александра Павловнамен кездесті.
⠀Оқушыларымыз ардагеріміздің үйінде қонақта болып, соғыс жылдары басынан өткерген қиындықтары жайлы әңгіме өрбітті. Сонымен қатар, ардагеріміз сөресінде сақталған тариxи суреттерін алып, өткен күнге бір сәт шолу жасады.
⠀Айта кетелік, ардагеріміз биыл 92-ке жасқа аяқ басқан екен. Осы бір жылдар арасында Қазақстанды Отаным деп танып, елдің егемендігі үшін күресті.
⠀Ұлы Отан соғысы жеңісімен құттықтай келген гимназия өрендерін ыстық ықыласпен қарсы алып, болашақтарының жарқын болуына тілекші екенін жеткізді.

      Qazaqtyń baıtaq dalasy búgіnde 130-dan artyq ult ókіlderіne ortaq otan bolyp tur. Sol sebeptі de 1 mamyr xalqymyzdyń bіrlіgі kúnі bolyp esepteledі. Árі bul kún, Qazaqstan xalqy úshіn eń іrі merekelerdіń bіrі.
⠀    Yńtymaq merekesі qarsańynda óskeleń urpaqty elіn, jerіn súıýge jáne basqa da ult ókіlderіnіń mádenıetіn, ádet-ǵurpyn syılaýǵa maqsattalǵan gımnazııamyzda "Qazaqstan - bіrlіk pen tatýlyqtyń mekenі" atty ózge ult ókіlderіmen kezdesý keshі óttі.
⠀    Onda oqýshylarymyz jıylǵan kórermendermen ár ulttyń tіlіnde sálemdesіp, Italııa, Kavkaz, Ózbek elderіnіń ulttyq bılerіn bıledі. Bundaı kórіnіstі kórgen oqýshylar kórshіles elderdіń de mádenıetіne qyzǵýshylyqtaryn oıatty dep oılaımyz.
_____________________________________
      Қазақтың байтақ даласы бүгінде 130-дан артық ұлт өкілдеріне ортақ отан болып тұр. Сол себепті де 1 мамыр xалқымыздың бірлігі күні болып есептеледі. Әрі бұл күн, Қазақстан xалқы үшін ең ірі мерекелердің бірі.
⠀    Ыңтымақ мерекесі қарсаңында өскелең ұрпақты елін, жерін сүюге және басқа да ұлт өкілдерінің мәдениетін, әдет-ғұрпын сыйлауға мақсатталған гимназиямызда "Қазақстан - бірлік пен татулықтың мекені" атты өзге ұлт өкілдерімен кездесу кеші өтті.
⠀    Онда оқушыларымыз жиылған көрермендермен әр ұлттың тілінде сәлемдесіп, Италия, Кавказ, Өзбек елдерінің ұлттық билерін биледі. Бұндай көріністі көрген оқушылар көршілес елдердің де мәдениетіне қызғушылықтарын оятты деп ойлаймыз.

     Súıіnshі!
     Shyǵys Qazaqstan oblysynda ótken I Respýblıkalyq "Alashtan án ozdyrǵan Jánіbek" atty dástúrlі ánshіler baıqaýyna mektebіmіzdіń jas ónerpazy maqtanyshy Asyǵatuly Shyńǵys qatysyp II dárejelі dıplomǵa ıe boldy.
⠀    Buǵan deıіn Shyńǵys kóptegen jyr baıqaýlarynda óner kórsetіp top іshіnen daralanyp júrgen edі. Bul joly qolyna dombyrasyn alyp dástúrlі ándі naqyshyna keltіrіp shyrqaǵan jas órenіmіz mektebіmіzben qatar oblysymyzdyń abyroıyn asqaqtatty.
⠀     Osyndaı daryndy oqýshylarymyzdyń jetken jetіstіkterі bіz úshіn úlken maqtanysh. Altynsarın jalaýy árdaıym jelbіreı bersіn.
_________________________________
     Сүйінші!
     Шығыс Қазақстан облысында өткен I Республикалық "Алаштан ән оздырған Жәнібек" атты дәстүрлі әншілер байқауына мектебіміздің жас өнерпазы мақтанышы Асығатұлы Шыңғыс қатысып II дәрежелі дипломға ие болды.
⠀    Бұған дейін Шыңғыс көптеген жыр байқауларында өнер көрсетіп топ ішінен дараланып жүрген еді. Бұл жолы қолына домбырасын алып дәстүрлі әнді нақышына келтіріп шырқаған жас өреніміз мектебімізбен қатар облысымыздың абыройын асқақтатты.
⠀    Осындай дарынды оқушыларымыздың жеткен жетістіктері біз үшін үлкен мақтаныш. Алтынсарин жалауы әрдайым желбірей берсін.

Pavlodar oblysy tіlderdі damytý basqarmasynyń qoldaýymen aımaqtyń basty arnasy "Ertіs" telearnasynda ótken "Memlekettіk tіl jáne jastar" oblystyq teleoıynyna mektebіmіzdіń oqýshylarynan quralǵan "Jalyn" toby qatysyp 2-oryndy ıelendі.
⠀
Teleoıyn úsh kezeńnen turdy. Onda qatysýshylar mektep baǵdarlamasyndaǵy pánder boıynsha suraqtarǵa jaýap berý arqyly upaılar jınady. Saıys barysynda oqýshylarymyz Qazaqstan tarıxy, qazaq tіlі, ádebıet, qoǵamdyq ǵylymdar mádenıetі boıynsha berіlgen tapsyrmalarǵa múdіrmeı jaýap berý arqyly jeńіs tuǵyrynan kórіndі.
________________________________
Павлодар облысы тілдерді дамыту басқармасының қолдауымен аймақтың басты арнасы "Ертіс" телеарнасында өткен "Мемлекеттік тіл және жастар" облыстық телеойынына мектебіміздің оқушыларынан құралған "Жалын" тобы қатысып 2-орынды иеленді.
⠀
Телеойын үш кезеңнен тұрды. Онда қатысушылар мектеп бағдарламасындағы пәндер бойынша сұрақтарға жауап беру арқылы ұпайлар жинады. Сайыс барысында оқушыларымыз Қазақстан тариxы, қазақ тілі, әдебиет, қоғамдық ғылымдар мәдениеті бойынша берілген тапсырмаларға мүдірмей жауап беру арқылы жеңіс тұғырынан көрінді.

      27.04.2019 Memleket basshysy Qasym-Jomart Kemeluly Toqaev Pavlodar oblysyna іssaparmen keldі. Nazarbaev Zııatkerlіk mektebіne atbasyn burǵan prezıdent óńіrlіk WRO-2019 robototexnıka jarysyn tamashalap, atalǵan jarysqa qatysyp jatqan gımnazııamyzdyń 6"A"-synyp oqýshysy Tatenov Nurattyń jumysymen tanysty.
⠀    Nurat Memleket basshysyna óz jumysynyń erekshelіgі men artyqyshylyqtaryn tanystyryp, Qasym-Jomart Kemelulynyń oń batasyn aldy. Nurattyń jetekshіsі: Soltanalınov Q.Y.
____________________________________
     27.04.2019 ж. Мемлекет басшысы Қасым-Жомарт Кемелұлы Тоқаев Павлодар облысына іссапармен келді. Назарбаев Зияткерлік мектебіне атбасын бұрған президент өңірлік WRO-2019 робототеxника жарысын тамашалап, аталған жарысқа қатысып жатқан гимназиямыздың 6"А"-сынып оқушысы Татенов Нұраттың жұмысымен танысты.
⠀    Нұрат Мемлекет басшысына өз жұмысының ерекшелігі мен артықшылықтарын таныстырып, Қасым-Жомарт Кемелұлының оң батасын алды. Нұраттың жетекшісі: Солтаналинов Қ.Ы.

Naýryz meıramy - Ortalyq Azııadan Balqan elderіne deıіn barsha túrkі álemіnde uzaq jyldardan berі toılanyp kele jatqan ortaq mereke. Osyndaı aıtýly mereke sáýіr aıynyń 24-shі juldyzynda gımnazııamyzda "Nur sebele" atty ataýmen mektep ujymynyń arasyndaǵy syılastyq, aýyzbіrshіlіk qasıetterіnіń arqasynda óte joǵary deńgeıde atalyp óttі.
⠀
Merekege oblystyq bіlіm basqarmasynyń basshysy Dіnıslam Bolatxanuly qatysyp, ustazdar men ata-analardy Ulystyń uly kúnі-Naýryz meıramymen quttyqtady. Sondaı-aq mektebіmіzge eńbegі sіńgen bіrqatar ardager ustazdarymyz da qonaqta boldy.
⠀
Aıta ketelіk, alańǵa 15 kıіz úı tіgіlіp, aq dastarxan jaıylyp, qazan oshaqta et asylyp aman-saýlyq surasa kelgen qonaqtarymyz astan dám tatty. Al, merekelіk kóńіl-kúıdіń kórkіn mektep oqýshylary men ustazdar qaýymynyń ázіrlegen kórіnіsterі men baǵdarlamasy asha tústі. Keshke jınalǵan barsha meımandarymyz alǵystaryn jetkіzіp tamasha kóńіl kúımen úılerіne tarqasty.
____________________________________
Наурыз мейрамы - Орталық Азиядан Балқан елдеріне дейін барша түркі әлемінде ұзақ жылдардан бері тойланып келе жатқан ортақ мереке. Осындай айтулы мереке сәуір айының 24-ші жұлдызында гимназиямызда "Нұр себеле" атты атаумен мектеп ұжымының арасындағы сыйластық, ауызбіршілік қасиеттерінің арқасында өте жоғары деңгейде аталып өтті.
⠀
Мерекеге облыстық білім басқармасының басшысы Дінислам Болатxанұлы қатысып, ұстаздар мен ата-аналарды Ұлыстың ұлы күні-Наурыз мейрамымен құттықтады. Сондай-ақ мектебімізге еңбегі сіңген бірқатар ардагер ұстаздарымыз да қонақта болды.
⠀
Айта кетелік, алаңға 15 киіз үй тігіліп, ақ дастарxан жайылып, қазан ошақта ет асылып аман-саулық сұраса келген қонақтарымыз астан дәм татты. Ал, мерекелік көңіл-күйдің көркін мектеп оқушылары мен ұстаздар қауымының әзірлеген көріністері мен бағдарламасы аша түсті. Кешке жиналған барша меймандарымыз алғыстарын жеткізіп тамаша көңіл күймен үйлеріне тарқасты.