Ы.Алтынсарин атындағы дарынды
балаларға арналған

     Қазан айының 25-інде Қазақ xалқының руxын аспандата келген оптимист көзқарастағы ақын-жазушылар көші Сұлтанмаxмұт Торайғыровтың 125 жылдығына орай Бұқар Жырау атындағы әдебиет және өнер мұражайының ұжымы гимназиямызда "Жалындап өткен жас ғұмыр" атты әдеби кеш өткізді. Ақынның өмірбаяны жайлы Әдебиет бөлімінің меңгерушісі Қайыров Ербол Мәтіұлы таныстырып кетті. Кешке жиналған мектеп ұстаздары мен оқушылары Сұлтанмаxмұт Торайғыровқа арналған слайд пен ақынның шығармасы мен өміріне арналған көрмені тамашалады. Сонымен қатар ақынның қолымен 1933 жылы латын әрпінде жазылған "Толық жинақ" кітабының түпнұсқасы көрермен назарына ұсынылды. Реалист-ақынның жақұт жырларымен сусындап келе жатқан мектебіміздің бірқатар оқушылары ақын жырларынан үзінді тарту етті. Белсенділік танытқан жас өрендерге Сұлтанмаxмұт Торайығыровтың жыр жинақтары сыйға берілді.
____________________________
      "Қараңғы қазақ көгіне өрмелеп шығып күн болған"демекші, Сұлтанмаxмұт жастық жігерімен, патриоттық жырларымен жастарға үлгі болады. Өлеңдерінде жастарды оқу-білімге шақырды. Демек, бүгін де, болашақта да елеулі өзгерістердің орын алуы-жастардың қолында.

Армысыздар құрметті оқырман қауым, бүгін қыркүйектің 22 жұлдызында ⭐ сағат 10:00-де мектебімізде «XXI ҒАСЫРДАҒЫ ҚАЗАҚСТАНДЫҚ АТА-АНА: Өз Балаңа Үлгі Бол» республикалық ата-аналар конференциясы өткізілген болатын. Конференцияға 5-6-7 сынып оқушыларының ата-аналыры

Бүгін гимназиямыздың 8"а", 8"б", 9"а", 9"б"-сыныптары арасында "The battle of the languages" атты зияткерлік сайысы 3 тілде 4 кезең бойынша өтті.

• "Бәйге"
• "Полиглот"
• "Көкпар"
• "Шешендік өнер"

Сайысқа қатысушылар әр кезеңде берілген тапсырмаларға үш тілде жауап беру арқылы ұпайлар жинады.
Зияткерлік сайыстың нәтижесі бойынша 9"б"-сынып оқушылары ағылшын, орыс, қазақ тілдерін жетік білетіндерін көрсетіп жеңіске жетті.

     Бүгін Павлодар облысы білім беру басқармасының ұйымдастыруымен М. Катаев атындағы оқушылар сарайында, Елбасының "Болашаққа бағдар: руxани жаңғыру" бағдарламасы аясында қолөнер бұйымдарын жасаудан облыстық байқау өтті!
     Аталмыш байқауда біздің гимназия шәкірттері Киіз бастыру технологиясын және қой жүнінен заманауи сыртқы киім үлгілерін жасап көрсетті. Нәтижесінде 7 "ә" сынып оқушысы Темірболат Аружан және 5 "ә" сынып оқушысы Жиксимбай Айша І орынға ие болып, республикалық кезеңге жолдама алды! Жеңіске жеткен оқушыларымызды, ұстаздарын, ата-аналарын шын жүректен құттықтаймыз!

     Гимназиямызда VII дәстүрлі қазақ тілі мен әдебиеті пәнінен М.Ж.Байғалова атындағы олимпиада мәресіне жетті. Биылғы жылғы олимпиада V бағыт бойынша өтіп, жалпы саны 160-тан астам оқушы қатысты.
     5-8 сыныптар арасында өткен дәстүрлі олимпиаданың жабылуына Қазақстан Республикасының білім беру ісінің үздігі, ардагер ұстазымыз Мапруза Жармағанбетқызы Байғалова өзі қатысып, гимназия шәкірттеріне батасын берді.

     2018 жылдың 21 сәуірінде мектебімізде Наурыз мерекесі аталып өтті. Ұлыстың ұлы күні – Наурыз мерекесін халқымыз ежелден қадір тұтып, 40 күн бойы тойлаған. Наурыз – жақсылықтың жаршысы,  бәріміз асыға күткен шырайлы көктеммен келетін жыл басы. Наурыз – достық пен бірліктің мерекесі. Мектеп оқушылары, ата-аналар, ұстаздар ұжымы белсене ат салысты. Мектеп ауласына киіз үй тігіп, ұлттық үлгідегі бай дастарқан жайылып, әсем ән шалқыды, әсем күй төгілді, бишілер би биледі.

     2018 жылдың 17 сәуірі күні  Павлодар қаласындағы оқушылар сарайында  республикалық айтыстардың бірнеше дүркін жеңімпазы, танымал айтыскер ақын Аманжол Дүйсенбайұлы Әлтаевпен мектебіміздегі жас ақындар тобы кездесуге барды. Исі қазақ өңіріне белгілі, айтыс өнерінде өзіндік стилі, поэзияда өз өрнегі бар ақын Аманжол Әлтаев айтыс өнеріне қалай келгенін айтып берді. Кездесуге келген оқушыларымыз ақынға жан-жақты сұрақ қойып, сұрақтарына тиісті жауап алды. Айтулы ақын айтыста жеңіске жетудің сыры – еңбекте, білімде екенін айтып, жастарды туған елге, ұлтына адал қызмет атқаруға шақырып, өнегелі әңгімелерімен бөлісті. Жалынды жырларын оқып, домбырамен ән шырқады. Көрермен қауымды ақын өлеңдері өзіндік ерекшелігімен, қаламгерлік шеберлігінің кемелдігімен таңдандырады.

#BOOKSTART кітап оқу жарысының жеңімпаздары:
1 орын-Шыңғыс Асығатұлы;
2 орын-Ерназ Абдирайымов;
3 орын-Мейрамбек Наурызбай.
Ынталандыру сыйлықтары:
Садыр Арыстан, Тәкіш Айгерім , Айтмухамбетова Аружан, Дюсенова Жұлдыз, Аянбек Жанбота.
Сайысымызға қатысқан сайыпқырандарымызды жүлделі орындарымен шын жүректен құттықтаймыз!

     «Әуез ғұмыр». Бұл - наурыз айының 14 жұлдызы күні Павлодар Көркемсурет музейінде мектебіміздің түлегі, Қазақстан суретшілер одағының мүшесі Қабылдинов Жасыбай Әйтенұлының 60 жасқа толған мерейтойына орай ұйымдастырылған  сурет көрмесінің атауы.  Көрмеге мектебіміздің  9 «а» сынып оқушылары қатысып, қиын да қызықты  суретші ғұмыры туралы пікір алмасты. Автордың «Абай», «Қиық тас» «Әуез ғұмыр», «Үшқоңыр. Президенттің балалық шағы» «Тұңғиық» сынды туындылары оқушылардың ерекше назарын аудартып, Жасыбай Әйтенұлына өз тараптарынан қызықтырған сұрақтарын  қойды. Көрме соңында гимназия оқушылары бейнелеу өнерінің өзіндік үлгісін, дара болмысын қалыптастыруға ұмтылған қылқалам шеберіне арнауларын оқып беріп, естелік суретке түсті.

     2018 жылы  14 наурызда 9,10,11-сынып оқушыларына арналған «Сыбайлас жемқорлыққа қарсы заңнаманың қалыптасуына – 20 жыл» тақырыбында конференция-сабақ өткізілді. «Сыбайлас жемқорлыққа қарсы күрес туралы» ҚР Заңы слайд арқылы таныстырылды. «Сыбайлас жемқорлық  дегеніміз не? Онымен күрес қағидалары» атты презентация, «Жемқорлыққа жол жоқ!», «Мемлекеттік қызмет пен сыбайлас жемқорлыққа қарсы іс-қимылдар» тақырыбында әлеуметтік ролик көрсетілді. «Сыбайлас жемқорлыққа қарсы заңнамасы» атты баяндама тыңдалды әрі талқыланды. «Конверт сұрақ»  әдісі бойынша әр сыныптан бір оқушы ортаға шығып, сұрақтарға жауап берді. Оқушылар белсенділік танытып, өз ойларын ортаға салды.