Ы.Алтынсарин атындағы дарынды
балаларға арналған

Халқымыз үшін қасиетті де киелі мереке Тәуелсіздік күніне арналған Ардагелдіқызы Ақжанның орындауындағы “Елім менің” атты тамаша әнді қабыл алыңыздар.

Қазақстан Республикасының Тәуелсіздік күніне орай шын жүректен шыққан ыстық ықыласымызды қабыл алыңыздар.
⠀
Бұл күн — ата-бабамыз аңсаған арманның жүзеге асқан, елімізге еркіндік сыйлаған Ұлы күн.
⠀
Осындай маңызы бар тарихи думанда еліміздің туы асқақтап, келешегі көркейе берсін.
⠀
Сіздерге мықты денсаулық, отбасыларыңызға бақыт, сәтті күндер, зор жетістіктер тілейміз.

Қазақстан Республикасының Тәуелсіздік мерекесі қарсаңында гимназиямыздың 5-сынып оқушылары Республикалық бірыңғай "Жас Ұлан" балалар мен жасөспірімдер ұйымына қабылданды.
⠀
Оқушыларды ұйым қатарына қабылдау рәсіміне қатысқан мектеп директоры құттықтау сөз сөйлеп Жас Ұландықтарды оқуда озат болуға шақырды.
⠀
Ұйым қатарына жаңадан қабылданған оқушылар отансүйгіш болуға, ел мен жерді, ата-ананы қадірлеуге, еңбекте адал болуға ант беріп, рәсім жасады.
⠀
Айта кетейік, аталған ұйым жасөспірім оқушыларды жоғары рухани адамгершілікке, өз елін, өз отанын сүйетін патриоттыққа тәрбиелейді.

Бүгін мектеп оқушылары арасында “Тәуелсіздіктің жеті қыры” циклі аясында “Елдіктің бастауы” атты деректі фильмі бойынша онлайн викториналық сұрақтар сайысы өтті.

2020-2021 оқу жылына арналған оқушылардың ғылыми жобалар конкурсының облыстық кезеңінің қорытындысы

“Бір ел - бір отбасы” қашықтық байқауының жеңімпаздары Асығатұлы Шыңғыс пен Тұрғанбек Асығат

Бәрекелді!
⠀
“Ертіс дарыны” өңірлік қосымша білім беру оқу-әдістемелік орталығының ұйымдастыруымен өткен, “Мәшhүр-Жүсіп оқулары” облыстық байқауында гимназиямыздың 10-сынып оқушысы Дауренбекұлы Рамазан бас жүлдені қанжығасына байлады.
⠀
“Алдыма өлең жаз деп қағаз келген...” (ақындар мүшәйрасы) бағытында өнер көрсеткен оқушымыздың Мәшhүр ақынға арнаған арнауын қазылар алқасы үздік деп таныды.
⠀
Айта кетелік, аталмыш байқаудың Республикалық кезеңінде облыс намысын, Дауренбекұлы Рамазан қорғайтын болады. Сәттілік серігі болсын деп тілек айтамыз.
⠀
Жетекшісі: Қайрат Айсана Қайратқызы

Қазақстан Республикасының Тәуелсіздік күніне арналған жас журналистердің “Бір ел - бір отбасы” қашықтық байқауы өз мәресіне жетті. Байқауға 17 сынып, әр сыныптан бір оқушы және ата-ана қатысты. Барлық қатысушылар мен жеңімпаздарды құттықтаймыз.

Мектебіміздің танымал түлегі Зейнуллин Жамбылмен тікелей эфир

1 желтоқсан - Тұңғыш Президент күніне орайластырылып 5-11 сыныптар аралығында “Тәуелсіздік және тұңғыш Президент” тақырыбында бірыңғай сынып сағаттары өткізілді.
⠀
Елбасының өмір жолынан үлгі ала отырып Отанын, халқын сүюге, ержүректілікке, азаматтыққа, тәрбиелеуге бағытталған сынып сағатынан оқушыларымыздың ойға түйері көп болды.