Ы.Алтынсарин атындағы дарынды
балаларға арналған

     2018 жылғы 4 сәуір күні Павлодар қаласының «Жас дарын» мамандандырылған мектебінде Қ.Бітібаева атындағы қазақ тілі мен әдебиетінен республика бойынша бірыңғай олимпиаданың облыстық кезеңі өткізілді.

     Олимпиадаға 9 «б»-сынып оқушысы Асқар Күлімжан (жетекшісі Р.Ж.Мұхаметжанова), 10-сынып оқушысы Илимхан Ақерке (жетекшісі А.Т.Абаева), 11 «б»-сынып оқушысы Бәкібай Толғанай (жетекшісі М.Б.Касыбаева) қатысып, нәтижесінде ІІ орын жүлдегерлері атанды.

     25-28 сәуір күндері Өскемен қаласында өткізілетін республикалық олимпиадаға облыстық кезеңге жолдама алды. Жүлдегер оқушыларымызды құттықтаймыз!

     2018 жылғы 29 наурызда сағат 10.00-де «Жас дарын» мамандандырылған мектебінде 5-10-сынып оқушылары арасында ІХ облыстық Махамбет оқулары өтті. Мектебімізден «Ел құтқарар ер едім...» (Махамбет, Мұрат Мөңкеұлы, Шернияз Жарылғасұлы, Фариза Оңғарсынова шығармаларын жатқа оқу конкурсы) бағытына 5-сынып оқушысы Қали Ақерке (жетекшісі А.Т. Абаева), «Ұлы арман» (Махамбеттің күйлерін, Фариза Оңғарсынованың өлеңдеріне шығарылған әндерді орындаушылар конкурсы) бағытына 6 «б»-сынып оқушысы Қанатұлы Даниял (жетекшісі С.Т. Шарманова), «Тартынбай сөйлер асылмын...» жас дарындар конкурсы (өз өлеңдерін, әндер, музыкалық шығармаларын орындау) бағытына 10-сынып оқушысы Оразбай Марлен (жетекшісі Г.Қ. Ахметова) қатысты. Нәтижесінде Қанатұлы Даниял ІІІ орын,  Оразбай Марлен ІІ орын – жүлдегерлері.

     Жеңімпаз оқушыларымызды жеңістерімен құттықтаймыз.

     Қазақстан Республикасының елордасы  Астана қаласының 20 жылдығына орай Астана қаласында өткен «Ел жүрегі – Астана» атты оқушылар арасындағы республикалық жыр мүшәйрасынан мектебіміздің 6«б»-сынып оқушысы Саулет Нұршапағат (жетекшісі – Асығат Тұрғанбек) Бас жүлдемен оралды.  Нұршапағатты жеңісімен құттықтаймыз!

     2018 жылғы наурыз айында  «IQ–Интеллектуалды білім порталы» және Республикалық «ҰЛАН» газеті мен «Балдырған» журналының ұйымдастыруымен оқушылардың шығармашылық қабілетін шыңдау мақсатында бірнеше бағытта шығармашылық байқау ұйымдастырған болатын. Біздің мектептен бірнеше оқушылар қатысты. Нәтижесінде, І орын жүлдегерлері – 12, ІІ орын жүлдегерлері – 8,  ІІІ орын жүлдегерлері – 3.

      5 «а»-сынып  оқушысы Асығат Шыңғыстың (жетекшісі Ахметова Г.Қ.) шығармашылық жұмысы  ең үздік жұмыс ретінде таңдалып,  республикалық «Ұлан» газетіне жарияланатын болды. Сондықтан Шыңғыс «IQ–Интеллектуалды білім порталы» және Республикалық «ҰЛАН» газеті мен «Балдырған» журналының Арнайы дипломымен  марапатталды.

     Жүлдегер оқушыларды, пән мұғалімдерін және жүзден – жүйрік, мыңнан – тұлпар атанған Шыңғыс Асығатұлын жүлделерімен құттықтаймыз. Болашақта қиялдарыңызға қанат бітіп, шығармашылық еңбекте телегей табыс тілейміз.

     2018 жылғы 12-16 наурыз аралығында қазақ поэзиясының ақиық ақыны Мұқағали Мақатаевтың туған жері Алматы облысы, Райымбек ауданы, Қарасаз ауылында республикалық Мұқағали оқулары өтті. Мектебімізден 10-сынып оқушысы Гүлнар Жанболат(жетекшісі Мұхаметжанова Р.Ж.)  Павлодар облысының атынан қатысты. Шарт бойынша, сайыскер жеті бағытта сынға түсіп, өз мықтылығын дәлелдеуі қажет.Ақын өлеңдері мен поэмаларын жатқа білумен қатар өзі де ақындық өнерге қабілеттілігін көрсетіп, жанынан өлең шығара білуі тиіс. Республикалық сайыстың нәтижесінде, Жанболат «Көрермендер көзайымы»  номинациясымен марапатталды. Сонымен қатар ерекше көзге түсіп, көрермендерді өнерімен баурағаны үшін Жанболат пен ұстазы Мұхаметжанова Райгүл  Жетпісқызына ақын Саят Қамшыгер «Мөлдір бұлақ» журналының арнайы жүлдесін табыс етті.

     Жүлдегер оқушымыз Жанболат пен ұстазы Райгүл Жетпісқызын алған  жүлделерімен құттықтаймыз.

2018 жылдың 12 ақпан - 9 наурыз аралығында Ақтөбе қаласында «Қос қыран» білім мен шығармашылықты дамыту орталығы және «Спорт жұлдыздары» республикалық ғылыми-әдістемелік журналының ұйымдастыруымен өткен «Анаға мың тағзым» атты республикалық шығармалар конкурсына мектебіміздің 8«а»-сынып оқушысы Ахмедеева Лиана(жетекшісі Окпина Б.М.) өз шығармасын жолдап, нәтижесінде І орынға ие болды. Лиананы жүлделі орнымен құттықтаймыз.

     2018 жылғы 13  наурыз күні ХІХ облыстық Абай оқулары өтті. Нәтижесінде «Өлең – сөздің патшасы, сөз сарасы» номинациясы бойынша  10-сынып оқушысы Жаябаева Даяна (жетекшісі Мұхаметжанова Р.Ж.) – І орын, «Жүйріктен жүйрік озар жарысқанда» номинациясы бойынша 10-сынып оқушысы Абдираимов Ердәулет (жетекшісі Қайрат А.Қ.) – І орын, «Көңілім әнді ұғады» номинациясы  бойынша 6 «б»-сынып оқушысы Сәулет Нұршапағат (жетекшісі Тұрғанбек Асығат Сәулетұлы)  ІІ орын  жүлдегерлері атанды.

     І орын алған оқушылардың жетекшілері «Ұстаздық еткен жалықпас» номинациясы сертификатымен марапатталды. Жүлдегер оқушыларды және жетекшілерін жеңістерімен құттықтап, республикалық кезеңге жолдама алған  Ердәулет пен Даянаға ақ жол тілейміз!

2018 жылдың 23-24 ақпанында  Астана қаласында өткен IV Халықаралық “Astana Grand Festival” конкурс-фестиваліне мектебімізден 6 «б»-сынып оқушысы Қанатұлы Даниял І орынды қанжығасына байласа, 8 «б»-сынып оқушысы Касенова Даяна - ІІІ орынның жеңімпазы. Астана сахнасын өнерімен тамсандырған өнерлі өрендерімізді алған асуларымен, жүлделі орындарымен құттықтаймыз.

     2018 жылғы 8  ақпанда  Дарынды ер балаларға арналған «Білім-инновация» лицей-интернатында «Жарқын болашақ» Х республикалық «KATEV» қазақ тілі олимпиадасының облыстық кезеңі өтті. Мектебімізден әр бағыт бойынша 5 оқушы қатысты. Нәтижесінде, «Әнші бұлбұлдар» бағыты бойынша 8«б»-сынып оқушысы Тлеубек Ерқанат (жетекшісі Ризабек Жанұзақұлы),  «Тілші-әдебиетшілер» бағыты бойынша 11«б»-сынып оқушысы Бәкібай Толғанай (жетекшісі Касыбаева Майра Бағдатқызы) ІІІ орынды иеленді.

     Жүлдегер оқушыларды жеңістерімен құттықтаймыз.

2018 жылғы 19-20  қаңтар  аралығында  Астана қаласында өткен  «Бала шабыты»  Халықаралық конкурстық жобасының бірінші өнер байқауында(10-12 жас аралығы) «Эстрада вокалы» номинациясы бойынша 6-сынып оқушысы Серғазы Азиза ІІ  орынға ие болды. Жетекшісі Қорабай Ризабек Жанұзақұлы балаларға өнер жолын ашып, жас дарындарды тәрбиелеп, ел мәдениетінің және рухани қазынасының дамуына зор үлес қосқаны үшін Алғыс хатпен марапатталды.

Азизаны және жетекшісі Ризабек Жанұзақұлын жеңістерімен құттықтаймыз.