Ы.Алтынсарин атындағы дарынды
балаларға арналған

«Біртұтас тәрбие» бағдарламасының «Еңбегі адал жас өрен» жобасы шеңберінде «Күзгі асар» жәрмеңкесі ұйымдастырылды. Мақсаты: мектеп - ата-ана- оқушы арасындағы ынтымақтастықты нығайта отырып, сары алтындай сары күз мезгілінің молшылдығын көрсету. Жәрмеңкеге мектеп оқушылары және ата-аналары күз айындағы көкөністер мен жемістерді түрлендірсе, бірі түрлі гербарийларды жасады. Сонымен қатар күз молшылдығының куәсі , «Ас-адамның арқауы» демекші ұннан жасалған тағамдар, «Қыс азығын жаз ойла» және Үнемді тұтынудың бір жолы қысқы уақытқа сақталған көкөністер мен жемістер де жәрмеңкеге қойылды. Іс шараға белсенділік танытқан ата-аналар мен оқушыларға алғысымызды білдіреміз.

5 қазан күні Естай атындағы мәдениет сарайында ұстаздарға арналған салтанатты іс-шара өтті. Мерекеге Облысымыздың педагогтары мен еңбек ардагерлері қатысты.

Облыс әкімі Асайын Байханов ұстаздарды құттықтап, білім беру саласына ұзақ жылдар бойы адал еңбек еткен мұғалімдерді марапаттады. Ы.Алтынсарин гимназиясының қазақ тілі мен әдебиеті мұғалімдері Окпина Бахытгүл мен Қаржасбаева Райгүл Оқу – ағарту министрлігінің «ЫБЫРАЙ АЛТЫНСАРИН» төсбелгісімен марапатталды. Әріптестерімізді шын жүректен құттықтаймыз.

• Республикалық «Махамбет оқулары» байқауы облыстық кезеңінің қорытындысы:
  «Тартынбай сөйлер асылмын...» - жас ақындардың өз туындыларын мәнерлеп оқу бағыты бойынша Охиттан Нұриден – І орын (жетекшісі: Тұрғанбек А. С.)
  
  «Ел құтқарар ер едім...» - Махамбет шығармаларын жатқа оқу бағыты бойынша Айгожина Жанерке – Құрмет грамотасы (жетекшісі: Касыбаева М. Б.)
  
  «Біз неткен ер, неткен ер? Сергелденмен өткен ер» - «Хандар мен ел билеушілер», «Батырлар» тақырыбының бірін қорғау бағыты бойынша Темірбек Сара – Құрмет грамотасы (жетекшісі: Окпина Б. М.)

19 қыркүйекте үйірмелер мен секциялар жәрмеңкесі өтті. Оқушыларымыз жәрмеңке барысында 2024-2025 оқу жылына ұсынылған үйірмелерге жазылды. Әрбір үйірме және секция былтырғы жыл жетістіктерін қөрсетіп, ұсынды. Барлық оқушыларға сәттілік пен алар асулары мол болсын деп тілейміз!

«Біртұтас тәрбие» бағдарламасының «Еңбекқорлық және кәсіби біліктілік» айы шеңберінде 5-11 сыныптар аралығында сынып сағаттары өткізілді

2024 жылғы 13 қыркүйекте гимназия-интернат оқушыларына Денсаулық күніне орай таза ауада спорттық іс-шаралар ұйымдастырылды.

2024 жылғы 09 қыркүйекте гимназия-интернат оқушылары 5-ші Дүниежүзілік көшпенділер ойындарына арналған тоғызқұмалақ флешмобына қатысты.

2024 жылғы 09 қыркүйекте гимназия-интернат оқушылары 5-ші Дүниежүзілік көшпенділер ойындарына арналған тоғызқұмалақ флешмобына қатысты.

06 қыркүйек 2024 жылғы «Ы.Алтынсарин дарынды балаларға арналған облыстық қазақ гимназия-интернаты» мемлекеттік мекемесінде Отбасы күні қарсаңында «Адал адам. Адал еңбек.Адал табыс» тақырыбында жалпымектепішілік ата-аналар жиналысы өткізілді. Ата-аналар қауымдастығын 2023-2024 оқу жылының ерекшелігімен таныстыра отырып, жаңартылған «Біртұтас тәрбие» бағдарламасының мазмұны негізінде «Мықты отбасы-мықты мемлекеттің кепілі» тақырыбында секциялық бөлім жұмыстары ұйымдастырылды. «Өнеге отбасынан басталады» аудиториясында ата-ана мен бала арасындағы өнеге мәнінде әңгіме жүргізу тақырыптары ұсынылса, «Пікірісайыс алаңы» дебат аудиториясында қазіргі таңдағы өзекті мәлелелер талқыға салынды және «Қалдықтарды креативті қолдану» лайфхак аудиториясында Үнемді қолдану жұмыстары жүргізілсе, «Кітап –сарқылмас қазына» тақырыбында ата-ананың кітап оқуы , «Біз де бала болып көрейік» аудиториясында ситуациялық жағдаяттарды талқылау арқылы ата-аналардың өзіндік көзқарастары мен пікірлері тыңдалды. 2024 -2025 оқу жылында баланың оқу – тәрбие процесіндегі ата-аналармен ынтымақтастықта жүргізілетін бірталай жұмыстардың кешені аталып өтті.

5 қыркүйек күні сағат 11:00-де Қазақстан халқы Ассамблеясының "Мың бала" мәдени-ағартушылық жобасы аясында жалпықазақстандық диктант өткізілді. Диктант жазуға мектеп ұжымы мен 5-11 сынып оқушылары қатысты.