2025 жылдың 12 желтоқсанында гимназиямызда “Ашық есік” күні өтті. “Мұғалім – ата-ана – оқушы” жаңа үштік форматында ұйымдастырылған шараға 220-ға жуық ата-ана қатысты.
 |
|
|
|
|
Буллингті уақытында анықтап, дер кезінде әрекет ету — оның алдын алудың ең тиімді жолы
2022 жылдан бастап елімізде «буллинг» және «кибербуллинг» ұғымдары заңнамалық деңгейде бекітілді. Ал 2024 жылдан бастап бұл әрекеттер үшін әкімшілік жауапкершілік көзделген.
Ағымдағы жылдың 11 айында 404 іс тіркеліп, оның ішінде 238 адам жауапкершілікке тартылды.
Жоғарыда берілген инфографикада — әрекет ету алгоритмі, құқықтық шаралар және ата-аналарға, педагогтер мен мамандарға арналған нақты ұсынымдар ұсынылған
Республикалық көпжанрлы өнер байқауы
Жаңа жеңіс!
Республикалық көпжанрлы өнер байқауы «ALTYN QANAT» аясында «Алау» триосы «Мен қазақтың баласы» әнімен ІІ дәрежелі лауреат атанды!
Республикалық көпжанрлы өнер байқауы
Жеңіс!
Республикалық көпжанрлы өнер байқауы «ALTYN QANAT» аясында «Айжанқыз» би тобы «Қамажай» қазақ биімен хореография номинациясында Гран‑приге ие болды!
Облыстық «М. Мақатаев оқулары» конкурсы
Облыстық «М. Мақатаев оқулары» конкурсының жүлдегерлері:
ІІ дәрежелі диплом
7-сынып оқушысы Қусаинов Айбек
(мұғалімі: Зылгарин Н. М.)
ІІІ дәрежелі диплом
7-сынып оқушысы Қажыақын Қайсар
«Алтын сақа» инновациялық шығармашылық орталығында ерекше форматтағы «ALTYN TIME» Жанды кітапханасы өтті
8 қараша күні «Алтын сақа» инновациялық шығармашылық орталығында ерекше форматтағы «ALTYN TIME» Жанды кітапханасы өтті. Бұл шара – белсенді жасөспірімдерді және тәжірибесімен бөлісуге дайын өңіріміздің талантты тұлғаларын табыстыратын бірегей платформа.
Жанды кітапхана форматының ерекшелігі – қонақтар дайын баяндама емес, шынайы өмірден алынған оқиғаларды, жеңіс пен жеңілістен тұрған тәжірибені, еңбек пен жігердің тарихын өз иелерінен тыңдайды. Әр қатысушы өмір жолы арқылы кітапқа айналған жастармен тікелей сұхбаттасып, сұрақтарын қойып, мотивация алды.
Шараның кейіпкерлері – «5 жанды кітап»
Биылғы үздіктер арасында өңіріміздің мақтанышы саналатын бес жасөспірім бар:
* Қасымов Бекзат – екі дүркін бокстан облыс чемпионы, республикалық турнирлердің жеңімпазы.
* Қасимов Данат – халықаралық робототехника әлеміндегі Қазақстанның мақтанышы, Хьюстонда өткен әлем чемпионатының кубок иегері.
* Жанаспаева Дария – робототехникадан облыстық, республикалық, халықаралық бәйгелердің абсолютті чемпионы.
* Әлиев Диас – UNICEF және БҰҰ волонтері, SDG клубының белсендісі.
* Баршынбай Мейіржан – республикалық айтыстардың жеңімпазы, жас ақын.
Әр 10 минут сайын спикерлер жаңа топқа ауысып, әрбір қатысушы барлық бес тұлғамен жеке сөйлесуге мүмкіндік алды. Бұл формат жастарға тек ақпарат емес, нақты тәжірибе, шабыт және жаңа көзқарас сыйлады.
Шығармашылық атмосфераны қағазға түсірген шебер
Іс-шара барысында орталықтың ерекше алаңы – бейнелеу өнері студиясы жұмыс істеді.
Қазақстан суретшілер одағының мүшесі, «Мәдениет саласының үздігі» төсбелгісінің иегері Тулеев Тұрар Түсіпұлы шараның атмосферасын қағазға түсіріп, әр спикерге арнап эксклюзивті портрет дайындады. Бұл – қатысушыларға да, кейіпкерлерге де ұмытылмас сый болды.
ALTYN TIME – шабыт пен серпіліс алаңы
Жанды кітапхана жастар қауымдастығы үшін жаңа формат қана емес, ойлануға, мотивация алуға және өз жолына деген сенімділікті арттыруға мүмкіндік беретін ашық алаңға айналды.
Облыстық «Толғауы тоқсан қызыл тіл» жастар мүшәйрасы
Облыстық «Толғауы тоқсан қызыл тіл» жастар мүшәйрасында жүлделі II орынға ие болған Қайрат Алдиярды құттықтаймыз!
Оқушының шығармашылығын шыңдауда жетекшісі — Тұрғанбек Асығат Сәулетұлының еңбегі зор.
орайғыров университетінің 65 жылдық мерейтойы аясында Гуманитарлық және әлеуметтік ғылымдар факультетінің ұйымдастыруымен өткен «Цифрлық өркениеттегі Қазақстан жастарының миссиясы»
Торайғыров университетінің 65 жылдық мерейтойы аясында Гуманитарлық және әлеуметтік ғылымдар факультетінің ұйымдастыруымен өткен «Цифрлық өркениеттегі Қазақстан жастарының миссиясы» атты эссе байқауында 11 «Б» сынып оқушысы Дюсембай Нурия жоғары нәтиже көрсетіп, II орынға ие болды. Құттықтаймыз!
«Қола домбыра – 2025» республикалық жас ақындар айтысы
Қола домбыра – 2025» республикалық жас ақындар айтысы
«Адал азамат» біртұтас тәрбие бағдарламасы аясында өткен «Қола домбыра – 2025» республикалық жас ақындар айтысында Ы. Алтынсарин атындағы гимназия-интернатының 11-сынып оқушысы Мейіржан Баршынбай ІІ орын иеленді.
Бұл оқушылар арасындағы айтыс Қазақстан Республикасы Оқу-ағарту министрлігі, «El Umiti» корпоративтік қоры және «Айтыс ақындары мен жыршы-термешілердің халықаралық одағының» бірлесуімен екінші жыл қатарынан ұйымдастырылды.
Айтыс Астана қаласындағы Е.Н. Гумилев атындағы Еуразия ұлттық университетінде өтті.
8–11 сынып оқушылары арасындағы шығармашыл жастарға арналған «Ақберен» республикалық өнер байқауының облыстық кезеңі
8–11 сынып оқушылары арасындағы шығармашыл жастарға арналған «Ақберен» республикалық өнер байқауының облыстық кезеңі өз мәресіне жетті!
Байқау нәтижесі бойынша:
I орын Баршинбаев Мейржан (жетекшісі – Тұрғанбек А.С.)
I орын Қайрат Алдияр (жетекшісі – Тұрғанбек А.С.)
II орын Сатенова Фарида (жетекшісі – Окпина Б.М.)
II орын Қуаныш Аяжан (жетекшісі – Ахметова Г.К.)
III орын Болатжан Інжуна (жетекшісі – Касыбаева М.Б.)
Жас өнерпаздарымызды жеңістерімен шын жүректен құттықтаймыз!
