Қазақстан Тәуелсіздігінің мерейтойлық жылы Қазақ Ұлттық Заң университеті мектеп түлектерінің арасында «Тәуелсіз Қазақстан» атты байқау өткізген болатын. Интеллектуалдық эссе байқауы дарынды жастарды әлеуметтік қолдауға бағытталған. Оның негізгі идеясы – мектеп оқушыларына еліміздің әйгілі университетінде тегін әрі сапалы білім алу мүмкіндігін ұсыну. Байқауға қатысушылар 2017 жылдың 5 наурызына дейін  тақырып бойынша қазақ не орыс тілдерінде эссе жазып, университеттің ресми сайтына жіберу керек болатын. 1-турдан өткен соң, 28 наурызда өткен 2-кезеңде  Қазақстан тарихы пәнінен сынақты тест түрінде тапсырды. Жалпы конкурс жеңімпаздарына барлығы бес грант бөлінді.

     Осы  дарындылардың бәйгесінде оза шауып келген 11-сыныптың оқушысы Қабдолла Диана өзінің білімін айғақтап, Астана қаласындағы еліміздің беделді білім ордасы Қазақ Ұлттық Заң университетінің грантын ұтып алды. «Еңбек түбі –жеңбек»- дегендей, тұғырлы жеңісің құтты болсын!