Ы. Алтынсариннің  175 жылдық мерейтойына   байланысты  «Ыбырай Алтынсарин-қазақ даласының ұлы ұстазы» атты апталық аясында  2016 жылдың 20 қазан күні   «Жүзден жүйрік озар жарысқанда...» атты мектепаралық спорттық іс-шаралары ұйымдастырылып, жоғары деңгейде өткізілді.

     Спорттық жарыс жоспары құрылып, жоспар бойынша ІІ топқа бөлді. Іс-шара мақсаты - оқушылардың  күш-қуаттарын арттыру, мектепаралық байланыстарын, достық қарым-қатынастарын нығайту. Бұл спорттық  жарысқа волейбол қыздар құрамасынан 5 команда, ал футбол ұлдар құрамасынан 6 команда қатынасты. Спорттық жарыстардың ашылу салтанатында Мемлекеттік Әнұран орындалып, мектеп директоры  Сүлейменов Жомарт Нұртайұлы құттықтау сөз  сөйледі. Мектебіміздің дене шынықтыру пәнінің мұғалімі  Байжырықова Сәуле Қабылдиновна іс-шараның жоспарымен таныстырды. Өткізілетін жарыстардың қауіпсіздік ережелері оқушыларға таныстырылып, мұқият бақыланып отырды. Ойын барысында қатысушылар белсенділік танытып, қызығушылықпен ойнады.

     Нәтижесінде,  волейбол ойынында 1-орынды Облыстық дарынды балаларға арналған көп салалы  мектеп-лицейі,  2-орынды  Дарынды балаларға арналған № 10 Абай атындағы  мектеп-лицейі, 3-орынды № 35 жалпы орта білім беру мектебі иеленді. Футбол жарысында 1-орынды Жас дарын» мамандандырылған дарынды балаларға арналған облыстық қазақ мектебі, 2-орынды Дарынды ұл балаларға арналған облыстық қазақ-түрік лицейі,  3-орынды  Дарынды балаларға арналған № 10 Абай атындағы  мектеп-лицейі және  Ы. Алтынсарин атындағы дарынды балаларға арналған облыстық қазақ гимназия-интернатының ұлдар  құрама  командалары қанжығаларына байлады. «Шынықсаң, шымыр боласың» демекші, мұндай іс-шараларды  өткізудің маңызы зор.