Жыл сайын ұстаздар мерекесіне орай 11-сыныптардың ұйымдастыруымен  «Өзін-өзі басқару»  күні  өткізіледі. 30 қыркүйекте «Өзін-өзі басқару»  күні   таңертеңгі жиыннан басталды, жиында оқушылардан құрылған гимназия әкімшілігі ұстаздар ұйымын мерекелерімен құттықтады.

     "Ұстаз мектептің жүрегі" атты мерекелік концерт жоғары деңгейде  өтті. Осы мерекелік шараны ұйымдастырған 11-сынып оқушылары мен тәрбиешілеріне оқу ісінің меңгерушісі Оразбаева Кулязи Кабдулловна жылы лебізін білдіріп, мектебіміздің беделін арттыруда шығармашылық табыс тіледі. Дарынды оқушыларды  оқытып, тәрбиелеуде қажырлы еңбек етіп жүрген бірқатар мұғалімдер Алғыс хаттармен марапатталды. Кеш барысында  бишілеріміз тамаша өнерлерін арнаса, әншілеріміз мұғалімдеріне "Ұстазым", "Аяулы ұстаз" әндерін шырқады. 12 «а», «б», «в»-сыныптарына бөлінген ұстаздар бір сәт балалық шаққа қайта оралғандай күй кешті.

      11-сынып  оқушылары өткізген сабақтар  ұстаздар  есінде ұзақ сақталары сөзсіз. Мұғалімдер күніне орай шат  көңіл мен жайдары күнді сыйлаған мектеп оқушыларына алғысым шексіз.