Республика күні қарсаңында Павлодар облысының әкімдігінде дарынды әрі белсенді жастарға арналған «Тәуелсіздік ұланы» сыйлықақысын табыстау салтанаты өтті.
Биыл байқауға 700-ден астам өтінім түсіп, 331-і облыстық кезеңге жолдама алды. Нәтижесінде «Ғылыми-техникалық, шығармашылық пен оқу-зерттеу қызметі», «Кәсіби шеберлік», Шығармашылық, шеберлік», «Спорттық шеберлік» және «Әлеуметтік маңызы бар және қоғамдық қызмет» номинациялары бойынша 100 жеңімпаз анықталды. Жеңімпаздардың қатарында республикалық, облыстық сайыстардың жеңімпазы, гимназиямыздың мақтанышы - Құрманбай Ернұр «Тәуелсіздік ұланы» төсбелгісімен марапатталды.
Марапат құтты болсын! Ернұрды бұл жетістігімен шын жүректен құттықтаймыз! Алға қойған мақсаттары орындалып, биік белестерді бағындыра беруіне тілектеспіз! Жетістіктерің еселене берсін!