Мұхтар Омарханұлы Әуезовтің 125 жылдығына орай «Ертіс дарыны» өңірлік қосымша білім беру оқу-әдістемелік орталығы және облыстық білім басқармасының қолдауымен, гимназиямыздың ұйымдастыруымен облыстық Әуезов оқулары өтті.
⠀
Байқау 3 бағытта жүргізілді:

• «Ұлы даланың заңғар жазушысы» (эссе жазу);
• «М.Әуезов - шебер суреткер» (иллюстрациялық суреттер салу);
• «Ұлан даланың ұлы жыршысы» (мәнерлеп үзінді оқу).⠀

Оған облыстық жалпы білім беретін ұйымдарының 8 – 10-сынып оқушылары қатысты. Барлығы -40 оқушы.
⠀
Қатысушыларға ф.ғ.к., ЖАК доценті, профессор Қапасова Бақытгүл Қасымбайқызы, ф.ғ.к., профессор, МАИН академигі Зейнуллина Айман Файзоллақызы, гуманитарлық ғылымдар жоғары мектебінің оқытушы-зерттеушісі, PHD доктор Сағынтаева Жұлдыз Қайратқызы баға берді.
⠀
Сондай-ақ Әуезовтің Бөрілідегі мұражай-үйіндегі қолжазбалар таныстырылды. Абай облысынан ат терлетіп мұражай меңгерушісі Исабаев Шағжан Бекенұлы келіп, сирек кездесетін кітаптар, хаттар, Әуезовтің киген костюмін көшпелі музей барысында көпшілік назарына ұсынды.