Бүгін гимназиямызда «Өзара әрекеттестік және кәсіби қолдау» жоспары аясында Ақтоғай ауданы мектеп басшыларының орынбасарлары мен әдістемелік бірлестік жетекшілеріне арналған семинар өтті.
⠀
Семинарға аудан, ауыл мектептерінен 43 мұғалім келіп қатысты.
⠀
Семинар барысында жаратылыстану-математикалық, қоғамдық-гуманитарлық, тәрбие жұмысы бойынша 19 ашық сабақ пен 5 шеберлік сағаттары ұйымдастырылды.
⠀
Онда мектебіміздің педагогтары білім беру мен тәрбие жүйесіндегі жаңашыл әдіс-тәсілдері бойынша өз тәжірибелерімен алмасты.
⠀
Семинардың қорытындылау бөлімінде делегация мүшелері кері байланыс жасап, мұндай тәжірибенің екі тарапқа да берері мол екендігін атап кетті.
⠀
Алдағы бірлесіп атқаратын жоспарларды анықтап, мектеп ұжымына алғыстарын білдірді.
⠀
Айта кетелік, наурыз айында Ақтоғай ауданының мектеп басшыларына арналған семинар өткізілген болатын.